പട്ന: ബിഹാര് നിയമസഭാ തിരഞ്ഞെടുപ്പിന്റെ വോട്ടെണ്ണൽ പുരോഗമിഎന്ഡിഎ മുന്നില് ആദ്യഘട്ട ഫലസൂചനകള് എന്ഡിഎയ്ക്കൊപ്പം. ഒടുവില് വന്ന കണക്കുകള് പ്രകാരം എന്ഡിഎ 103 ഇടത്ത് ലീഡ് ചെയ്യുമ്പോള് ആര്ജെഡി നേതൃത്വത്തിലുള്ള മഹാസഖ്യം 55 ഇടത്താണ് ലീഡ് ചെയ്യുന്നത്. സംസ്ഥാനത്തെ 46 കേന്ദ്രങ്ങളിലാണ് വോട്ടെണ്ണല്.
രണ്ട് മണിയോടെ ചിത്രം പൂര്ണമായും വ്യക്തമായേക്കും. ഒരുറൗണ്ടില് 14 ഇവിഎമ്മുകള് എന്നകണക്കിലാണ് എണ്ണല് പുരോഗമിക്കുക. എല്ലാ എക്സിറ്റ് പോളുകളും ഏറ്റക്കുറച്ചിലുകളോടെയാണെങ്കിലും എന്ഡിഎ വിജയമാണ് പ്രവചിക്കുന്നത്. എന്നാല് എക്സിറ്റ് പോളുകളെ തള്ളുന്ന വിധിയായിരിക്കും വരിക എന്നാണ് മഹാസഖ്യവും അവരുടെ മുഖ്യമന്ത്രി സ്ഥാനാര്ഥി തേജസ്വി യാദവും അവകാശപ്പെടുന്നത്.
നിതീഷ് കുമാറിന്റെ ജെഡിയുവിന്റെയും ബിജെപിയുടേയും നേതൃത്വത്തിലുള്ള എന്ഡിഎയും തേജസ്വി യാദവിന്റെ ആര്ജെഡിയും കോണ്ഗ്രസും നയിക്കുന്ന ഇന്ത്യാ മുന്നണിയും തമ്മിലാണ് പ്രധാന പോരാട്ടം. വിവിധ സംസ്ഥാനങ്ങളിലെ എട്ട് നിയമസഭാ മണ്ഡലങ്ങളിലേക്ക് നടന്ന ഉപതിരഞ്ഞെടുപ്പ് ഫലവും ഇന്നറിയാം.