തിരുവനന്തപുരം: തെക്ക് കിഴക്കന് ബംഗാള് ഉള്ക്കടലിലെ തീവ്ര ന്യൂനമര്ദം ഇന്ന് വൈകുന്നേരത്തോടെ കരയില് പ്രവേശിക്കാന് സാധ്യതയെന്ന് കേന്ദ്ര കാലാവസ്ഥ വകുപ്പ്. രാവിലെയോടെ തമിഴ്നാടിന്റെ വടക്കന് തീരത്ത് എത്തിയ തീവ്ര ന്യൂനമര്ദ്ദം വൈകുന്നേരത്തോടെ വടക്കന് തമിഴ്നാട് തെക്കന് ആന്ധ്രാ പ്രദേശ്തീരത്ത്കാരയ്ക്കലിനും ശ്രീഹരിക്കൊട്ടെക്കും ഇടയില്പുതുച്ചേരിക്ക് വടക്ക് സമീപം കരയില് പ്രവേശിക്കാന് സാധ്യതയുണ്ടെന്നാണ് അധികൃതരുടെ മുന്നറിയിപ്പ്.
കരയില് പ്രവേശിക്കുമ്പോള് കാറ്റിന് 40 മുതല് 55 കിമി വരെ വേഗതയുണ്ടാകും. പരമാവധി വേഗം 65 കിമി വരെയാകാമെന്നും പ്രവചിക്കപ്പെടുന്നു. തീരദേശ തമിഴ്നാട് ആന്ധ്രാ തീരങ്ങളില് അതിശക്തമായ മഴയ്ക്ക് സാധ്യത. കേരളത്തില്വ്യാപകമായി ഇടിമിന്നലാട് കൂടിയ ശക്തമായ മഴ തുടരാന് സാധ്യതയെന്നും മുന്നറിയിപ്പുണ്ട്.
പത്തനംതിട്ട, കോട്ടയം, ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഇന്നും നാളെയും യെല്ലോ അലേര്ട്ട് പ്രഖ്യാപിച്ചു. ഇടിമിന്നലിനൊപ്പം ശക്തമായ കാറ്റിനും സാധ്യതയുണ്ട്. പൊതുജനങ്ങള് ജാഗ്രത പാലിക്കണമെന്ന് സംസ്ഥാന ദുരന്തനിവാരണ അതോറിറ്റി നിര്ദ്ദേശിച്ചു.
കേരള തീരത്ത് ഉയര്ന്ന തിരമാലയ്ക്കും കടല് പ്രക്ഷുബ്ധമാകാനും സാധ്യതയുണ്ട്. മത്സ്യതൊഴിലാളികളും തീരദേശവാസികളും ജാഗ്രത പുലര്ത്തണം. കേരള, കര്ണാടക,ലക്ഷദ്വീപ് തീരങ്ങളില് മത്സ്യ ബന്ധനത്തിന് തടസമില്ല.ശനിയാഴ്ചയോടെ ബംഗാള് ഉള്ക്കടലില് തെക്കന് അന്തമാന് കടലില് പുതിയ ന്യൂനമര്ദ്ദം രൂപപ്പെടാന് സാധ്യതയെന്നും കാലാവസ്ഥ നിരീക്ഷണ കേന്ദ്രം പ്രവചിക്കുന്നു.