കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വധിക്കാന്‍ ഗൂഢാലോചന നടത്തിയെന്ന ആരോപണവുമായി സംവിധായകന്‍ ബാലചന്ദ്ര കുമാര്‍ രംഗത്ത് വന്നതോടെയാണ് ദിലീപിനെതിരെ പോലീസ് വീണ്ടും കേസെടുത്തത്. അതിലെ വാദപ്രതിവാദങ്ങളാണ് ഇപ്പോള്‍ നടന്നു കൊണ്ടിരിക്കുന്നത്. ദിലീപിനെതിരെ കള്ളക്കഥയാണ് ബാലചന്ദ്രകുമാര്‍ നടത്തിയതെന്ന് നിര്‍മാതാവ് സജി നന്ത്യാട്ട് പറയുന്നു.
‘ദിലീപ് മാടപ്രാവ് ആണെന്നല്ലല്ലോ ഞങ്ങള്‍ പറഞ്ഞത്, ദിലീപിനെ നിര്‍മല ഹൃദയനാക്കാന്‍ അല്ലല്ലോ ഞങ്ങള്‍ ഇതൊക്കെ പറയുന്നത്. ഞങ്ങള്‍ കേസിനെ കുറിച്ച് മാത്രമാണ് പറയുന്നത്’, നിര്‍മാതാവ് സജി നന്ത്യാട്ട് ഒരു ചാനല്‍ ചര്‍ച്ചയ്ക്കിടെ വിമര്‍ശിച്ചു.
ദിലീപിനെ കുടുക്കാനായി ജെയിംസ് ബോണ്ട് സിനിമയെ പോലും വെല്ലുന്ന തിരക്കഥ ഉണ്ടാക്കിയാണ് ബാലചന്ദ്ര കുമാര്‍ കളത്തിലിറങ്ങിയിരിക്കുന്നത് എന്ന് സജി നന്ത്യാട്ട് പറയുമ്പോള്‍ അതിനെ സാധൂകരിക്കുന്ന നിരവധി സംഭവങ്ങള്‍ അടുത്തിടെ ഉണ്ടായി. ഓരോ ചാനലുകളിലും കയറിയിറങ്ങി ബാലചന്ദ്ര കുമാര്‍ നടത്തുന്ന പുതിയ പുതിയ ആരോപണങ്ങള്‍ നട്ടാല്‍ കിളയ്ക്കാത്ത നുണയല്ലേ എന്ന് ആര്‍ക്കെങ്കിലും തോന്നിയാല്‍ തെറ്റുപറയാനാകില്ല. സമാനതകളില്ലാത്ത സംഭവങ്ങളാണ് നടന്നു കൊണ്ടിരിക്കുന്നതെന്ന് വിദഗ്ധര്‍ തന്നെ ചൂണ്ടിക്കാണിക്കുന്നു.
‘ദിലീപിനെ കുടുക്കാനായി ജെയിംസ് ബോണ്ട് സിനിമയെ പോലും വെല്ലുന്ന തിരക്കഥ ഉണ്ടാക്കിയിരിക്കുകയാണ്. ഡോണ്‍ ആണ്, വി ഐ പി ഉണ്ട്, മാഫിയ ആണ് തുടങ്ങിയ ഇല്ലാത്ത കഥകള്‍ പറഞ്ഞ് പൊതുസമൂഹത്തിന് മുന്നില്‍ ദിലീപിനെ ഒരു ഭീകരനായി ചിത്രീകരിക്കുകയാണ് അയാള്‍ ചെയ്യുന്നത്. മലയാളികള്‍ എന്താ പൊട്ടന്മാര്‍ ആണോ ഇയാള്‍ പറയുന്ന കഥയൊക്കെ ആര് വിശ്വസിക്കാനാണ് ഫോണ്‍ പൊലീസിന് കൊടുത്താല്‍ അതില്‍ കൃത്രിമത്വം കാണിക്കാന്‍ സാധ്യതയുണ്ട്, ദുരുപയോഗം ചെയ്യാന്‍ സാധ്യതയുണ്ട് എന്ന് ദിലീപ് സംശയം പ്രകടിപ്പിക്കുന്നത് എന്താണ് തെറ്റ്’, സജി ചോദിക്കുന്നു.
