ന്യൂഡല്ഹി: ഫുട്ബോള് ആരാധകരുടെ കാത്തിരിപ്പ് സഫലമാകുന്നു. ഫുട്ബോള് ഇതിഹാസം ലയണല് മെസിയും നിലവിലെ ലോക ചാമ്പ്യന്മാരായ അര്ജന്റീന ടീമും ഈ വര്ഷം ഒക്ടോബറില് കേരളത്തില് എത്തും. കൊച്ചിയില് പ്രദര്ശന മത്സരത്തില് ഇവര് കളിക്കുമെന്ന് അര്ജന്റീന ടീമീന്റെ ഔദ്യോഗിക സ്പോണസര്മാരായ എച്ച്എസ്ബിസി അറിയിച്ചു. പതിനാല് വര്ഷത്തിനു ശേഷമാണ് മെസി വീണ്ടും ഇന്ത്യയിലെത്തുന്നത്.
എച്ച്എസ്ബിസി ഇന്ത്യ അര്ജന്റീന ടീമിന്റെ ഔദ്യോഗിക സ്പോണ്സര് ആയി മാറിയതിന് പിന്നാലെയാണ് മെസിയുടെ വരവ് സംബന്ധിച്ചുള്ള സ്ഥിരീകരണം ഉണ്ടായത്. അര്ജന്റീനയും മെസിയും ഒക്ടോബറില് ഒരു പ്രദര്ശന മത്സരത്തിനായി രാജ്യത്ത് എത്തുമെന്ന് എച്ച്എസ്ബിസി പ്രസ്താവനയില് അറിയിച്ചു.
പതിനാല് വര്ഷത്തിന് ശേഷമാണ് അര്ജന്റീന ടീം ഇന്ത്യയിലേക്ക് എത്തുന്നത്. അര്ജന്റീന ടീമിന്റെ ഒഫീഷ്യല് പാര്ട്ണറായ എച്ച്.എസ്.ബി.സി ഇന്ത്യയാണ് മെസ്സിയും സംഘവും കേരളത്തിലെത്തുമെന്ന് അറിയിച്ചത്. ലയണല് മെസ്സി ഉള്പ്പെടുന്ന അര്ജന്റീന ഫുട്ബാള് ടീം ഒക്ടോബറില് ഇന്ത്യയിലെത്തുമെന്ന് എച്ച്.എസ്.ബി.സി പ്രസ്താവനയില് പറയുന്നു.
ഇതിനായി അര്ജന്റീന ഫുട്ബാള് അസോസിയേഷനും എച്ച്.എസ്.ബി.സിയും തമ്മില് കരാര് ഒപ്പിട്ടിട്ടുണ്ട്. ഒരു വര്ഷത്തേക്കാണ് കരാര്. ഇന്ത്യയെ കൂടാതെ സിംഗപ്പൂരിലും ടീം സന്ദര്ശനം നടത്തുമെന്നാണ് സൂചന. 2011 സെപ്തംബറിലാണ് ഇതിന് മുമ്പ് മെസ്സിയും സംഘവും ഇന്ത്യയിലെത്തിയത്. കൊല്ക്കത്തയില് വെനസ്വേലക്കെതിരായ ലോകകപ്പ് യോഗ്യത മത്സരത്തിനായിട്ടായിരുന്നു അന്ന് ടീം എത്തിയത്. മത്സരത്തില് 1-0ത്തിന് അര്ജന്റീന ജയിച്ചു.
ഇതിഹാസ ടീമായ അര്ജന്റീനയോട് ഒപ്പം പ്രവര്ത്തിക്കാന് കഴിഞ്ഞതില് സന്തോഷമുണ്ടെന്ന് എച്ച്.എസ്.ബി.സി ഇന്ത്യ തലവന് സന്ദീപ് ബാത്ര പറഞ്ഞു. 2026 ലോകകപ്പ് വരെ അര്ജന്റീനയോട് ഒപ്പമുള്ള യാത്ര തുടരുമെന്നും അദ്ദേഹം അറിയിച്ചു.
ഇന്ത്യയിലും സിംഗപ്പൂരിലും പുതിയ അവസരങ്ങള് തുറക്കുന്നതാണ് എച്ച്.എസ്.ബി.സിയുമായുള്ള കരാറെന്ന് അര്ജന്റീന ഫുട്ബാള് അസോസിയേഷന് പ്രസിഡന്റ് ക്ലൗഡിയോ ഫാബിയന് താപിയ പറഞ്ഞു. അര്ജന്റീന ഫുട്ബാള് ടീമിന്റെ പുതിയ പാര്ട്ണറായ എച്ച്.എസ്.ബി.സിയെ സ്വാഗതം ചെയ്യുകയാണെന്നും അദ്ദേഹം കൂട്ടിച്ചേര്ത്തു.
കഴിഞ്ഞ വര്ഷം അര്ജന്റീന ടീം കേരളം സന്ദര്ശിക്കുമെന്ന് കായികമന്ത്രി വി.അബ്ദുറഹിമാന് അവകാശപ്പെട്ടിരുന്നു. കൊച്ചിയില് രണ്ട് സൗഹൃദമത്സരങ്ങളില് ടീം കളിക്കുമെന്നും അദ്ദേഹം പറഞ്ഞിരുന്നു. ഒക്ടോബറിലായിരിക്കും മെസിയുടെയും ടീമിന്റെ സന്ദര്ശനമെന്നും അദ്ദേഹം അറിയിച്ചിരുന്നു.