ആലപ്പുഴ: കുട്ടനാട്ടിലെ കൈനകരി പഞ്ചായത്തില് സാമൂഹിക വിരുദ്ധരുടെ അഴിഞ്ഞാട്ടം. വഴിയരികില് പാര്ക്ക് ചെയ്തിരുന്ന കാറുകളും ബൈക്കുകളുമാണ് അജ്ഞാതര് കത്തിച്ചു. കരമാര്ഗ്ഗമുള്ള യാത്രാസൗകര്യങ്ങളുടെ അഭാവം മൂലം കുട്ടനാട്ടില് ആളുകള് വ്യാപകമായി റോഡരികില് വണ്ടികള് നിര്ത്തിയിടാറുണ്ട്. ഇന്ന് പുലര്ച്ചയോടെ ബൈക്കില് എത്തിയ ഒരു സംഘമാണ് വണ്ടികള് കത്തിച്ചെന്നാണ് നാട്ടുകാര് പറയുന്നത്.
ഒരു കാറും ബൈക്കും സ്കൂട്ടറും ഉള്പ്പെടെ ആറ് വാഹനങ്ങള് കത്തിച്ചതായാണ് വിവരം. വാഹനങ്ങള് നിര്ത്തിയിട്ട സ്ഥലങ്ങളിലെ സ്ട്രീറ്റ് ലൈറ്റ് നശിപ്പിച്ച ശേഷമാണ് ആക്രമണം നടത്തിയത്. ഇന്ന് പുലര്ച്ചെ ബൈക്കുകള് അതിവേഗത്തില് ഓടിച്ചു പോകുന്ന ശബ്ദം പ്രദേശവാസികള് പലരും കേട്ടിരുന്നു. സംഭവത്തില് നെടുമുടി, പുളിങ്കുന്ന് പോലീസ് അന്വേഷണം തുടങ്ങിയിട്ടുണ്ട്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News