MOVIE 🎞️ലോകത്തിലെ ഏറ്റവും നല്ല ഭർത്താവാണ് ​ഗോപി സുന്ദറെന്ന് അമൃത, പരിഹസിച്ച് സോഷ്യൽമീഡിയ, അവസാനം കമന്റ് ഓഫാക്കി

കൊച്ചി:പ്രണയം പരസ്യപ്പെടുത്തിയപ്പോൾ മുതൽ ​ഗായിക അമൃത സുരേഷും സം​ഗീത സംവിധായകൻ ​ഗോപി സുന്ദറും വളരെ അധികം പരിഹാസങ്ങൾ കേൾക്കുകയും അധിക്ഷേപിക്കപ്പെടുകയും ചെയ്തിരുന്നു. ഇപ്പോഴും ഇരുവരുടേയും പ്രണയം നിറഞ്ഞ പോസ്റ്റുകൾ‌ സോഷ്യൽമീഡിയ ട്രോളാക്കാറുണ്ട്.

അമൃതയും ​ഗോപി സുന്ദറും കുറച്ച് മാസങ്ങൾക്ക് മുമ്പാണ് തങ്ങൾ പ്രണയത്തിലാണെന്ന കാര്യം പരസ്യപ്പെടുത്തിയത്. ബാലയുമായുള്ള വിവാഹ ബന്ധം വേർപ്പെടുത്തിയശേഷം വർഷങ്ങളോളം അമൃത സിം​ഗിൾ ലൈഫ് നയിക്കുകയായിരുന്നു.

ബാലയെ വിവാഹം ചെയ്തതോടെ സം​ഗീത ജീവിതം പോലും അമൃത ഉപേക്ഷിച്ചിരുന്നു. അമൃതയുടേയും ബാലയുടേയും പ്രണയ വിവാഹ​മായിരുന്നു. വളരെ ചെറുപ്പത്തിൽ തന്നെ അമൃത ബാലയെ വിവാഹം ചെയ്തിരുന്നു.

അത് ആ സമയത്ത് തനിക്ക് പറ്റിയൊരു അബദ്ധമാണ് എന്നാണ് പിന്നീട് പലപ്പോഴും അമൃത തന്നെ പറഞ്ഞിട്ടുള്ളത്. ബാലയുമായി പിരിഞ്ഞ ശേഷമാണ് പൂർവാധികം ശക്തിയോടെ അമൃത സം​ഗീത ലോകത്തേക്ക് തിരികെ എത്തിയത്.

ശേഷം നിരവധി സിനിമകളിൽ പിന്നണി പാടി അമൃത. ഇപ്പോൾ നിരവധി സം​ഗീത ഷോകളും അമൃത നടത്തുന്നുണ്ട്. ​ഗോപി സുന്ദറുമായി പ്രണയത്തിലായ ശേഷം തന്റെ സം​ഗീത കുറച്ച് കൂടി മെച്ചപ്പെട്ടുവെന്നാണ് അമൃത പറഞ്ഞിട്ടുള്ളത്. സം​ഗീത കുടുംബത്തിലേക്ക് ചെന്ന അനുഭൂതിയാണെന്നും അമൃത പറഞ്ഞിട്ടുണ്ട്.

ഇപ്പോഴിത അമൃത പങ്കുവെച്ചൊരു സോഷ്യൽമീഡിയ പോസ്റ്റാണ് വൈറലാകുന്നത്. ​ഗോപി സുന്ദറിനേയും കെട്ടിപുണർന്ന് ദുബായി കടലിൽ ബോട്ട് സവാരി നടത്തുന്ന ചിത്രമാണ് അമൃത പങ്കുവെച്ചിരിക്കുന്നത്.

ലോകത്തിലെ ഏറ്റവും നല്ല ഭർത്താവിന്… ഞാൻ നിന്നെ സ്നേഹിക്കുന്നു… എന്നാണ് ​ഗോപി സുന്ദറിനൊപ്പമുള്ള ചിത്രം പങ്കുവെച്ച് അമൃത കുറിച്ചത്. ഇതോടെ കമന്റുകൾ ഫോട്ടോയ്ക്ക് ഒഴുകിയെത്തി.

ഏറെയും അമൃത-​ഗോപി സുന്ദർ പ്രണയത്തെ പരിഹസിച്ചുള്ളതായിരുന്നു. നിനക്ക് മുമ്പ് മറ്റ് പല സ്ത്രീകൾക്കും അദ്ദേഹം നല്ല ഭർത്താവായിരുന്നുവെന്നാണ് ചിലർ കമന്റ് ചെയ്ത്. പരിഹാസ കമന്റുകൾ ഏറിയതോടെ അമൃത കമന്റ് ബോക്സ് ഓഫാക്കി വെച്ചു.

ദുബായിൽ ഷോ ചെയ്യാൻ പോയ അമൃതയെ കാണാനാണ് ​ഗോപി സുന്ദറും ദുബായിലെത്തിയത്. ശേഷം ഇരുവരും ചേർന്ന് ദുബായ് എക്സ്പ്ലോർ ചെയ്യുകയും ചെയ്തു. ഡെസേർട്ട് സഫാരി നടത്തിയതിന്റെ ചിത്രങ്ങളും അമൃത പങ്കുവെച്ചിരുന്നു.

കൂടാതെ കഴിഞ്ഞ ദിവസം പരസ്യമായി അമൃതയെ ലിപ് ലോക്ക് ചെയ്യുന്ന ​ഗോപി സുന്ദറിന്റെ ചിത്രങ്ങളും വൈറലായിരുന്നു. ഇരുവരും വിവാഹിതരാണോ അല്ലയോ എന്ന കാര്യത്തിൽ ഇന്നേവരെയും വ്യക്തത വന്നിട്ടില്ല.

അതേ കുറിച്ച് ചോ​ദിച്ചപ്പോഴെല്ലാം ഒഴിഞ്ഞ് മാറുകയാണ് ഇരുവരും ചെയ്തിട്ടുള്ളത്. ​ഗോപി സുന്ദറുമായുള്ള പ്രണയത്തിന് മകൾ പാപ്പുവിന്റെ എല്ലാ സപ്പോർട്ടുമുണ്ടെന്ന് അമൃത വ്യക്തമാക്കിയിരുന്നു.

തന്റെ മകളെ തന്നിൽ നിന്നും പറിച്ചെടുത്തുവെന്നാണ് ബാല പാപ്പുവിനെ കുറിച്ചും അമൃതയെ കുറിച്ചും സംസാരിക്കുമ്പോൾ പറയാറുള്ളത്. ബാല ഒരു വർഷം മുമ്പാണ് ഡോ.എലിസബത്തിനെ വിവാഹം ചെയ്തത്.

ഇവർക്ക് കുഞ്ഞുങ്ങളില്ല. ​ഗായിക അഭയ ഹിരൺമയിയുമായുള്ള ലിവിങ് ടു​ഗെതർ ലൈഫ് അവസാനിപ്പിച്ചാണ്​ ​ഗോപി സുന്ദർ അമൃതയുമായി പ്രണയത്തിലായത്.

ഗോപി സുന്ദർ ആദ്യം വിവാഹം ചെയ്തത് പ്രിയയെയായിരുന്നു. ആ ബന്ധത്തിൽ രണ്ട് ആൺകുട്ടികളും ​ഗോപി സുന്ദറിനുണ്ട്. അടുത്തിടെ അമൃതയ്ക്ക് ദുബായ് ഗോൾഡൻ വിസ ലഭിച്ചിരുന്നു.

ഇതിനെ അഭിനന്ദിച്ച് കൊണ്ട് ഗോപി കമന്റ് ചെയ്തിരുന്നു. അന്യഭാഷാ സിനിമകളിൽ ഗോപി ഒരുപിടി സിനിമകൾക്ക് സംഗീതം നൽകുന്നുണ്ട്. യാത്രകളെ ഏറെ പ്രണയിക്കുന്നവരാണ് അമൃതയും ​ഗോപി സുന്ദറും.