തിരുവനന്തപുരം: ഇന്ത്യന് ബഹിരാകാശ ഗവേഷണ ചരിത്രത്തിലെ ഏറ്റവും വിശ്വസ്തമായ വിക്ഷേപണ വാഹനമായ പിഎസ്എല്വി (PSLV) തുടര്ച്ചയായി രണ്ട് തവണ പരാജയപ്പെട്ടത് രാജ്യം അതീവ ഗൗരവത്തോടെയാണ് കാണുന്നത്. ദൗത്യങ്ങളുടെ പരാജയത്തിന് പിന്നില് അട്ടിമറി സാധ്യതകളുണ്ടോ എന്നറിയാന് ദേശീയ സുരക്ഷാ ഉപദേഷ്ടാവ് (NSA) അജിത് ഡോവല് നേരിട്ട് തിരുവനന്തപുരത്ത് വിഎസ്എസ്സിയില് എത്തി അന്വേഷണം നടത്തിയെന്ന വാര്ത്തകള് പുറത്തുവരുമ്പോള് സംഭവത്തിന്റെ ഗൗരവം വര്ദ്ധിക്കുന്നു.
ജനുവരി 12-ന് നടന്ന വിക്ഷേപണം ഉള്പ്പെടെ രണ്ട് തവണയാണ് പിഎസ്എല്വി ദൗത്യം പരാജയപ്പെട്ടത്. വിക്ഷേപണത്തിന്റെ മൂന്നാം ഘട്ടത്തിലാണ് രണ്ട് തവണയും തകരാറുകള് സംഭവിച്ചത് എന്നത് ഐഎസ്ആര്ഒ ശാസ്ത്രജ്ഞരെപ്പോലും അമ്പരപ്പിച്ചിരുന്നു. രാജ്യത്തിന്റെ സുരക്ഷാ ക്രമീകരണങ്ങളെയും പ്രതിരോധ സംവിധാനങ്ങളെയും ബാധിക്കുന്ന വിഷയമായതിനാല് പ്രധാനമന്ത്രി നരേന്ദ്ര മോദിയുടെ നേരിട്ടുള്ള നിര്ദ്ദേശപ്രകാരമാണ് അജിത് ഡോവല് ഐഎസ്ആര്ഒ കേന്ദ്രങ്ങളില് എത്തിയത്.
പിഎസ്എല്വി ദൗത്യത്തിന്റെ ഏറ്റവും നിര്ണ്ണായകമായ ഘട്ടങ്ങളിലൊന്നാണ് മൂന്നാം ഘട്ടം. ജനുവരി 12-ന് നടന്ന വിക്ഷേപണത്തിലും അതിന് തൊട്ടുമുമ്പത്തെ ദൗത്യത്തിലും പരാജയം സംഭവിച്ചത് ഒരേ ഘട്ടത്തിലാണ് (Stage 3) എന്നത് ശാസ്ത്രജ്ഞരെ അമ്പരപ്പിച്ചു. ദ്രവ-ഖര ഇന്ധനങ്ങളുടെ കൃത്യമായ അനുപാതത്തിലും ജ്വലനത്തിലും സംഭവിക്കുന്ന നേരിയ വ്യതിയാനം പോലും വലിയ ദുരന്തങ്ങള്ക്ക് വഴിവെക്കാം. ഒരേ ഘട്ടത്തില് തന്നെ തുടര്ച്ചയായി പരാജയം ആവര്ത്തിച്ചതാണ് അട്ടിമറി എന്ന സംശയത്തിലേക്ക് അന്വേഷണത്തെ എത്തിച്ചത്.
പരാജയത്തെക്കുറിച്ച് പഠിക്കാന് മുന് ഐഎസ്ആര്ഒ ചെയര്മാന് ഡോ. കെ. ശിവന്റെ നേതൃത്വത്തില് പ്രത്യേക സംഘത്തെ നിയോഗിച്ചിരുന്നു. മൂന്ന് ദിവസത്തോളം വിവിധ സംഘങ്ങളുമായി ചര്ച്ച നടത്തി അവര് റിപ്പോര്ട്ട് തയ്യാറാക്കി. ഇതിനു പിന്നാലെയാണ് ബഹിരാകാശ വകുപ്പിന് അജിത് ഡോവല് തന്റെ റിപ്പോര്ട്ട് കൈമാറിയത്. നിലവില് അട്ടിമറി സാധ്യതകളില്ലെന്നാണ് ഡോവലിന്റെ റിപ്പോര്ട്ട് സൂചിപ്പിക്കുന്നത്.
ദൗത്യം പരാജയപ്പെട്ടത് അട്ടിമറി മൂലമല്ലെന്ന് കേന്ദ്ര ബഹിരാകാശ വകുപ്പ് മന്ത്രി ജിതേന്ദ്ര സിംഗ്, ഔദ്യോഗികമായി മാധ്യമങ്ങളെ അറിയിച്ചു.ഇന്ത്യന് ബഹിരാകാശ ഗവേഷണ ചരിത്രത്തിലെ ഏറ്റവും വിശ്വസ്തമായ വിക്ഷേപണ വാഹനമാണ് പിഎസ്എല്വി (PSLV). എന്നാല് ഈ ‘വര്ക്ക് ഹോഴ്സ്’ തുടര്ച്ചയായി രണ്ട് തവണ പരാജയപ്പെട്ടത് വെറുമൊരു സാങ്കേതിക പിഴവായി കാണാന് കേന്ദ്ര സര്ക്കാര് തയ്യാറല്ല. ഇതിന് പിന്നില് അന്താരാഷ്ട്ര ഗൂഢാലോചനകളോ അട്ടിമറി ശ്രമങ്ങളോ ഉണ്ടോ എന്ന് പരിശോധിക്കാന് ദേശീയ സുരക്ഷാ ഉപദേഷ്ടാവ് അജിത് ഡോവല് നേരിട്ട് കളത്തിലിറങ്ങിയത് ദൗത്യത്തിന്റെ ഗൗരവം വ്യക്തമാക്കുന്നു.
The Indian government is addressing the consecutive failures of the Polar Satellite Launch Vehicle (PSLV) with high-level urgency. National Security Adviser (NSA) Ajit Doval recently conducted a discreet two-day visit to the Vikram Sarabhai Space Centre (VSSC) in Thiruvananthapuram to investigate potential sabotage or national security breaches.