വൈറ്റിലയിൽ വാഹനാപകടം 12 പേർക്ക് പരുക്ക്, 4 പേരുടെ നില ഗുരുതരം

കൊച്ചി: എറണാകുളം (Ernakulam) വൈറ്റിലയിൽ (Vyttila)  ലോറിക്ക് പിന്നിൽ ട്രാവലർ ഇടിച്ച് 12 പേർക്ക് പരിക്കേറ്റു. ഡ്രൈവർ ഉൾപ്പെടെ 4 പേരുടെ നില ഗുരുതരമാണ്. പരിക്കേറ്റവരെ മെഡിക്കൽ സെന്‍റർ ആശുപത്രിയിൽ (Ernakulam Medicam Centre) പ്രവേശിപ്പിച്ചു. 

ആന്ധ്രയിൽനിന്നെത്തിയ ശബരിമല (Sabarimala)തീർത്ഥാടകരുടെ വാഹനമാണ് അപകടത്തിൽപ്പെട്ടത്. ഇന്നലെ രാത്രി 12 മണിയോടെയായിരുന്നു സംഭവം. ഫയർ ഫോഴ്സ് ഉദ്യോഗസ്ഥരെത്തി വാഹനം പൊളിച്ചാണ് അപകടത്തിൽപ്പെട്ടവരെ ട്രാവലറിൽനിന്ന് പുറത്തെടുത്തത്.