കട്ടപ്പനയിൽ ഓട വൃത്തിയാക്കുന്നതിനിടെ അപകടം; മൂന്ന് തൊഴിലാളികൾ കൊല്ലപ്പെട്ടു

കട്ടപ്പന: കട്ടപ്പനയിൽ ഓട വൃത്തിയാക്കുന്നതിനിടെയുണ്ടായ അപകടത്തിൽ മൂന്ന് തൊഴിലാളികൾ കൊല്ലപ്പെട്ടു. നഗരത്തിൽ നവീകരണ പ്രവർത്തനങ്ങൾ നടന്നു വരുന്ന ഹോട്ടലിൻ്റെ സമീപത്തെ അഴുക്കുചാൽ വൃത്തിയാക്കാൻ ഇറങ്ങിയ തമിഴ്നാട് സ്വദേശികളാണ് അഴുക്കുചാലിൽ കുടുങ്ങിയത്. ചൊവ്വാഴ്ച രാത്രിയാണ് സംഭവം.

പോലീസും അഗ്നിരക്ഷാ സേനയും സ്ഥലത്ത് എത്തി ഉടൻ തന്നെ രക്ഷാപ്രവർത്തനം ആരംഭിക്കുകയായിരുന്നു. സ്ഥലത്ത് എത്തിയ നാട്ടുകാരും രക്ഷാപ്രവർത്തനത്തിൽ പങ്കെടുത്തിരുന്നു. രക്ഷാപ്രവർത്തനനത്തിനൊടുവിൽ മൂന്ന് പേരെയും പുറത്തെടുത്തെങ്കിലും ജീവൻ രക്ഷിക്കാൻ സാധിച്ചില്ല.