തിരുവനന്തപുരം: ഗ്രാമങ്ങളിലൂടെ ഓടുന്നതിന് സംസ്ഥാനത്ത് 300 കെ എസ് ആർ ടി സി ബസ്സുകൾ വാങ്ങുമെന്ന് ഗതാഗക മന്ത്രി കെ ബി ഗണേഷ് കുമാർ. എല്ലാ പ‍ഞ്ചായത്ത് റോഡുകളിലും കെ എസ് ആർ ടി സി ബസുകൾ ഓടിക്കുക എന്നതാണ് ലക്ഷ്യം. ബസ്സുകൾ കഴുകുന്നതിന് ഹൗസ് കീപ്പിംഗ് വിംഗ് ഉണ്ടാകും. ഇവർ ബസിന്റെ വൃത്തി പരിശോധിക്കും. ബസുകൾ കഴകുന്നതിന് പവർഫുൾ കംപ്രസർ വാങ്ങിയിട്ടുണ്ട്.
സംസ്ഥാനത്ത് വലിച്ച് വാരി റൂട്ട് പെർമിറ്റ് നൽകുന്നത് ഒഴിവാക്കും. ഇതിനായി എം എൽ എമാർക്ക് കത്ത് നൽകിയിട്ടുണ്ട്. വേഗപ്പൂട്ട് വിച്ഛേദിച്ച് വാഹനം ഓടിക്കുന്നവർക്കെതിരെ കർശന നടപടി ഉണ്ടാകുമെന്നും വേഗപ്പൂട്ട് വിച്ഛേദിക്കുന്നതിന് പ്രത്യേക സംഘം പ്രവർത്തിക്തുന്നുണ്ട്, ഇവരെ ക്രിമിനൽ കേസിൽ പ്രതിയാക്കുമെന്നും അദ്ദേഹം പറഞ്ഞു.
കമ്പനിയാണ് ഇത് ചെയ്യുന്നതെങ്കിൽ അവരുടെ ഡീലർഷിപ്പ് റദ്ദ് ചെയ്യുംയ വേഗപ്പൂട്ട് പരിശോധന സംസ്ഥാനത്ത് ഉടനീളം തുടരും. ഓവർലോഡ് അല്ല ഓവർ സ്പീഡ് ആണ് അപകടം നടക്കുന്നതിന് കാരണമെന്നും മന്ത്രി പറഞ്ഞു.
അതേ സമയം കെ എസ് ആർ ടി സി ജീവനക്കാരുടെ ശമ്പള കുടിശ്ശിക ഉടൻ കൊടുത്ത് തീർക്കുെന്നും മന്ത്രി പറഞ്ഞു. രണ്ട് മാസത്തിനുള്ളിൽ ജീവനക്കാർക്ക് മാസം ആദ്യം തന്നെ ശമ്പളം നൽകുമെന്നും ഇതിനായി മുഖ്യമന്ത്രിയുമായി ചർ‌ച്ച നടക്കുകകയാണെന്നും ഗണേഷ് കുമാർ പറഞ്ഞു.