കാൺപൂരിൽ ട്രാക്ടർ മറിഞ്ഞ് 26 മരണം,മരിച്ചവരുടെ കുടുംബത്തിന് 2ലക്ഷം ധനസഹായം

കാണ്‍പൂര്‍ : യുപിയിലെ കാൺപൂരിൽ ട്രാക്ടർ മറിഞ്ഞ് 26 പേർ മരിച്ചു. ട്രാക്ടർ ജലാശയത്തിലേക്ക് മറിഞ്ഞാണ് അപകടം . ഫത്തേപ്പൂരിലെ ചന്ദ്രിക ദേവി ക്ഷേത്രത്തിൽ കുട്ടിയുടെ മുടി മുറിക്കൽ ചടങ്ങിന് പോയവരാണ് അപകടത്തിൽപ്പെട്ടത്. ട്രാക്ടറിൽ 40 പേർ ഉണ്ടായിരുന്നു. മരിച്ചവരുടെ കുടുംബത്തിന് 2 ലക്ഷം രൂപ സഹായ ധനവും പ്രഖ്യാപിച്ചു.

അപകടത്തിൽ  പ്രധാനമന്ത്രി നരേന്ദ്രമോദിയും യു പി മുഖ്യമന്ത്രി യോഗി ആദിത്യനാഥും അനുശോചിച്ചു . ട്രാക്ടറിൽ ആളുകളെ കൊണ്ടുപോകരുതെന്ന് യു പി മുഖ്യമന്ത്രി യോഗി ആദിത്യനാഥ് ആവശ്യപ്പെട്ടു.