തിരുവനന്തപുരം: ഭക്ഷ്യവകുപ്പ് മന്ത്രി ജി.ആര് അനിലിന് കൊവിഡ് സ്ഥിരീകരിച്ചു. മന്ത്രി ഔദ്യോഗിക വസതിയില് നിരീക്ഷണത്തില് കഴിയുകയാണ്. കൊവിഡ് വ്യാപനം രൂക്ഷമായത് കണക്കിലെടുത്ത് സംസ്ഥാനത്ത് ഇന്ന് ലോക്ഡൗണ് സമാന നിയന്ത്രണങ്ങളാണ് ഏര്പ്പെടുത്തിയിട്ടുള്ളത്. അത്യാവശ്യ യാത്രകള് ഒഴിച്ചുള്ള യാത്രകള് അനുവദിക്കില്ല.
അത്യാവശ്യമല്ലാത്ത യാത്രകള് ഒഴിവാക്കണമെന്ന് പോലീസ് ആവശ്യപ്പെട്ടിട്ടുണ്ട്. റോഡുകളില് പോലീസിന്റെ കര്ശന പരിശോധന തുടങ്ങി. നിയന്ത്രണങ്ങളോട് ജനങ്ങള് സഹകരിക്കണം. അവശ്യവസ്തുക്കള് തൊട്ടടുത്ത കടയില്നിന്ന് വാങ്ങണം. നിയമലംഘനമുണ്ടായാല് കേസെടുക്കുമെന്ന് പോലീസ് അറിയിച്ചിട്ടുണ്ട്.
റോഡുകളില് വാഹനത്തിരക്കും ജനത്തിരക്കും കുറവാണ്. അവശ്യസര്വീസുകള്ക്ക് മാത്രമാണ് സര്ക്കാര് അനുമതി നല്കിയിരിക്കുന്നത്. അത്യാവശ്യത്തിന് പുറത്തിറങ്ങുന്നവര് സത്യവാങ്മൂലം കൈയില് കരുതണമെന്ന് സര്ക്കാര് നേരത്തെ മുന്നറിയിപ്പ് നല്കിയിരുന്നു. രാവിലെ മുതല് ജില്ലകളുടെ പ്രധാന കേന്ദ്രങ്ങളില് പോലീസ് വാഹന പരിശോധന നടത്തുന്നുണ്ട്. അനാവശ്യമായി പുറത്തിറങ്ങുന്നവര്ക്കെതിരേ കേസ് രജിസ്റ്റര് ചെയ്ത് വാഹനം പിടിച്ചെടുക്കുകയാണ്.
അവശ്യവസ്തുക്കള് വില്ക്കുന്ന കടകള് എല്ലായിടത്തും തുറന്നിട്ടുണ്ടെങ്കിലും പലയിടത്തും തിരക്ക് കുറവാണ്. കെഎസ്ആര്ടിസി ദീര്ഘദൂര സര്വീസുകള് ഓടുന്നുണ്ടെങ്കിലും യാത്രക്കാര് വളരെ കുറവാണ്. പ്രൈവറ്റ് ബസുകളും ടാക്സി വാഹനങ്ങളും പൂര്ണമായും നിരത്തിലില്ല. അതിര്ത്തി ജില്ലകളിലെ ചെക്ക്പോസ്റ്റുകളിലും പോലീസ് വാഹന പരിശോധന കര്ശനമാക്കിയിട്ടുണ്ട്.