കൊല്ലം: കെ.എസ്.ആര്‍.ടി.സി ബസില്‍ കോളജ് വിദ്യാര്‍ഥിനിയെ അപമാനിക്കാന്‍ ശ്രമിച്ച തമിഴ്നാട് സ്വദേശി അറസ്റ്റില്‍. കന്യാകുമാരി കളിയിക്കാവിള അമ്പെട്ടിന്‍കാല ജസ്റ്റിന്‍ ആല്‍വിന്‍(43)ആണ് അറസ്റ്റിലായത്.
ബുധനാഴ്ച രാവിലെ ചെങ്ങന്നൂരിലേക്കു പോകുകയായിരുന്ന വേണാട് ബസില്‍ വച്ചാണ് സംഭവം നടന്നത്. വിദ്യാര്‍ഥിനിക്കൊപ്പമാണ് ഇയാള്‍ സീറ്റിലിരുന്നത്. മയ്യത്തുംകര ജംഗ്ഷനിലെത്തിയപ്പോള്‍ ഇയാള്‍ അപമര്യാദയായി പെരുമാറുകയായിരുന്നു.
പെണ്‍കുട്ടി പ്രതികരിച്ചപ്പോള്‍ ഇയാള്‍ നഗ്‌നതാ പ്രദര്‍ശനവും നടത്തി. തുടര്‍ന്ന് ഇവര്‍ സംഭവം പോലീസില്‍ അറിയിച്ചു. ബസില്‍ വച്ചുതന്നെയാണ് ഇയാളെ പോലീസ് പിടികൂടിയത്. പ്രതിയെ റിമാന്‍ഡ് ചെയ്തു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News