ന്യൂജേഴ്സി: അമേരിക്കയിൽ ഒരു മലയാളി കൂടി കോവിഡ് ബാധിച്ച് മരിച്ചു.ന്യൂജേഴ്സിയിൽ സ്ഥിരതാമസക്കാരനായിരുന്ന മല്ലപ്പള്ളി സ്വദേശി മാമൻ ഈപ്പൻ (58) ആണ് മരിച്ചത്. ഇദ്ദേഹം രോഗബാധിതനായി വീട്ടിൽ ക്വാറന്‍റൈനിൽ കഴിയുകയായിരുന്നു. കൂടുതൽ വിവരങ്ങൾ ലഭ്യമല്ല.
ന്യൂയോര്‍ക്കിലും ഒരു മലയാളി കൂടി കോവിഡ് 19 ബാധിച്ച് മരിച്ചിരുന്നു. ന്യൂയോര്‍ക്ക് സിറ്റി ഹൗസിംഗ് അപ്പാര്‍ട്ട്‌മെന്‍റ് ഉദ്യോഗസ്ഥന് ആയിരുന്ന പുല്ലാന്തിയാനിക്കല്‍ കുടുംബാംഗം കോട്ടയം മോനിപ്പള്ളി സ്വദേശി പോൾ സെബാസ്റ്റ്യൻ (65) ആണ് മരിച്ചത്. ഭാര്യ ലൈസയും ഇളയമകള്‍ മെറിൻ പോളും കോവിഡ് ബാധിച്ച് ചികിത്സയിലായിരുന്നു. ഇവര്‍ രോഗമുക്തരായി. അലീന പോള്‍ മൂത്തമകൾ.കഴിഞ്ഞ 24 മണിക്കൂറിനിടെ 2,600ലേറപ്പേരാണ് അമേരിക്കയിൽ കോവിഡ് ബാധിച്ച് മരിച്ചത്. ഇതോടെ രാജ്യത്ത് ആകെ മരണപെട്ടവരുടെ എണ്ണം 28554 ആയി. 644,089 പേർക്കാണ് അമേരിക്കയിലാകെ കോവിഡ് ബാധിച്ചത്. 13487 ഗുരുതരാവസ്ഥയിലാണ്. 48708 പേര്‍ക്കു മാത്രമാണ് രോഗം ഭേദമായത്.
