ഒരു കുടുംബത്തിലെ നാലു പേര്‍ ദുരൂഹ സാഹചര്യത്തില്‍ മരിച്ച നിലയില്‍

അമരാവതി: വിശാഖപട്ടണത്ത് ഒരു കുടുംബത്തിലെ നാലംഗങ്ങളെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. വിശാഖപട്ടണം മിഥിലാപുരികലാനിയിലെ ആദിത്യ ടവറിലാണ് സംഭവം.

എട്ട് മാസം മുമ്പ് ഇവിടെ താമസത്തിനെത്തിയ പ്രവാസി കുടുംബത്തയാണ് മരിച്ച നിലയില്‍ കണ്ടെത്തിയത്. ബംഗരു നായിഡു (50), ഭാര്യ നിര്‍മല (46) മക്കളായ ദീപക് (22), കശ്യപ് (19) എന്നിവരാണ് മരിച്ചത്. അഞ്ചാം നിലയിലാണ് കുടുംബം താമസിച്ചിരുന്നത്. പൊലീസ് സംഭവ സ്ഥലത്തെത്തി പരിശോധന നടത്തുകയാണ്.