അങ്കമാലി: ലോറിയില് കയറ്റിക്കൊണ്ടുപോയ വലിയ മണ്ണുമാന്തി യന്ത്രം റോഡിലേക്ക് തെന്നിവീണു. രണ്ടുമണിക്കൂറോളം അങ്കമാലിയില് ഗതാഗതം സ്തംഭിച്ചു. ശനിയാഴ്ച രാവിലെ ഒമ്പതോടെ അങ്കമാലി അങ്ങാടിക്കടവ് ജങ്ഷനിലാണ് അപകടം നടന്നത്.
കാലടി ഭാഗത്തു നിന്ന് വന്ന ലോറി ടിബി റോഡിലൂടെ തൃശൂര് ഭാഗത്തേക്ക് വളച്ചപ്പോഴാണ് മണ്ണുമാന്തി യന്ത്രം തെന്നി താഴെ വീണത്. ഇരുചക്രവാഹനങ്ങളും കാല്നടയാത്രക്കാരും കടന്നുപോകവെയാണ് മണ്ണുമാന്തി യന്ത്രം തെന്നി വീണത്.
ആളപായം സംഭവിച്ചില്ലെന്ന് നാട്ടുകാര് പറഞ്ഞു. രണ്ടു ക്രെയിന് എത്തിച്ചാണ് റോഡില് നിന്ന് മണ്ണുമാന്തി മാറ്റിയത്. ആലുവ മുതല് ചാലക്കുടിവരെ ഗതാഗതക്കുരുക്കുണ്ടായി. അശ്രദ്ധമായി വാഹനമോടിച്ചതിന് ലോറി ഡ്രൈവറിനെ പൊലീസ് അറസ്റ്റ് ചെയ്തു.