കോട്ടയം തെള്ളകത്ത് ഭർത്താവ് ഭാര്യയെ തലയ്ക്കടിച്ചു കൊന്നു

കോട്ടയം:തെള്ളകത്ത് ഭർത്താവ് ഭാര്യയെ തലയ്ക്കടിച്ചു കൊന്നു.തെള്ളകം കാരിത്താസ് ആശുപത്രിക്ക് സമീപം താമസിക്കുന്ന നെടുമലക്കുന്നേൽ മേരി (49) ആണ് ഭർത്താവ് ടോമി (54) യുടെ മർദ്ദനമേറ്റ് മരിച്ചത്.ഞായറാഴ്ച രാത്രി 10.30 മണിയോടെയായിരുന്നു സംഭവം. വാർക്ക പണിക്കാരനാണ് ടോമി. കുടുംബകലഹത്തെത്തുടർന്ന് ചുറ്റികയും കമ്പിയും വച്ച് മേരിയുടെ തലയ്ക്കടിച്ചു വീഴ്ത്തുകയായിരുന്നു.സംഭവ സ്ഥലത്ത് വച്ച് തന്നെ മേരി മരിച്ചു. സ്ഥലത്തെത്തിയ ഏറ്റുമാനൂർ പോലീസ് ടോമിയെ കസ്റ്റഡിയിൽ എടുത്തു.മൃതദേഹം ഇൻക്വസ്റ്റ് തയ്യാറാക്കിയതിനു ശേഷം കോട്ടയം മെഡിക്കൽ കോളേജ് ആശുപതിയിലേക്ക് മാറ്റി. ടോമി മേരി ദമ്പതികൾക്ക് മക്കളില്ല.