തൃശ്ശൂർ: തൃശ്ശൂരില് കാറും ലോറിയും കൂട്ടിയിടിച്ച് എട്ടു പേര്ക്ക് പരിക്ക്. തിരുവനന്തപുരം സ്വദേശികള്ക്കാണ് പരിക്കേറ്റത്. വെള്ളിയാഴ്ച പുലര്ച്ചെ മൂന്നരയോടെയാണ് അപകടമുണ്ടായത്.പുണെയില് നിന്ന് ചരക്കുമായി വന്ന ലോറിയുമായി ഗുരുവായൂര് ദര്ശനത്തിനു പോവുകയായിരുന്ന തിരുവനന്തപുരം സ്വദേശികളുടെ കാര് കൂട്ടിയിടിക്കുകയായിരുന്നു.മോനിഷ്(19), മോളി (50), അഖിൽ ( 25 ), ആദർശ് (26),
രാധാകൃഷ്ണൻ( 31), ഹർഷ ( 25), അക്ഷിമ (20) എന്നിവർക്കാണ് പരിക്കേറ്റത്. 4 പേർക്ക് സാരമായി പരിക്കേറ്റു.
തളിക്കുളം ഹൈസ്കൂളിന് സമീപത്തു വെച്ചായിരുന്നു അപകടം. കാറിന്റെ മുന്ഭാഗം പൂര്ണമായും തകര്ന്നു.പ്രദേശത്ത് അപകടം പതിവാണെന്നാണ് നാട്ടുകാര് പറയുന്നത്. പരിക്കേറ്റവരിൽ നാലുപേര് ഐ.സി.യു.വിലാണ്. ആരോഗ്യനില തൃപ്തികരമാണെന്നും നിരീക്ഷണത്തില് വെക്കുന്നതിന് വേണ്ടിയാണ് ഐ.സി.യു.വില് പ്രവേശിപ്പിച്ചിരിക്കുന്നത് എന്നാണ് ആശുപത്രി അധികൃതര് വ്യക്തമാക്കുന്നത്.