കോട്ടയം:യുവാവിനെ തട്ടിക്കൊണ്ടുപോയ സംഘം പിടിയില്‍.മെഡിക്കല്‍ കോളേജിനു സമീപത്തുനിന്നും വെള്ളൂര്‍ ഇറുമ്പയം സ്വദേശിയായ ജോബിന്‍ ജോസ് എന്ന യുവാവിനെതട്ടിക്കൊണ്ടു പോയ സംഭവത്തിൽ ആണ് പ്രതികളായ ലിബിന്‍ , രതീഷ് എന്നിവരെ പിടികൂടിയത്.
ജില്ലാ പോലീസ് മേധാവി. ശില്പ. ഡി. IPS. ന്റെ നിര്‍ദേശാനുസരണം കോട്ടയം ഡെപ്യൂട്ടി പോലീസ് സൂപ്രണ്ട് അനില്‍ കുമാര്‍ ഗാന്ധിനഗര്‍ ഇന്‍സ്പെക്ടര്‍ സുരേഷ് വി നായര്‍ , എസ്.ഐ ഹരിദാസ് എന്നിവരുടെ നേത്യത്വത്തിലുള്ള സംഘമാണ് മണിക്കൂറുകള്‍ക്കകം തന്നെ വാഹനം പിന്തുടര്‍ന്ന് തിരുവല്ല ഭാഗത്തുവച്ച് പ്രതികളെ പിടികൂടിയത്.
യുവാവിനെ വാഹനത്തില്‍ എത്തിയ സംഘം മര്‍ദിച്ചവശനാക്കിയശേഷം തട്ടിക്കൊണ്ടു പോവുകയായിരുന്നു.പ്രതികൾ സഞ്ചരിച്ചിരുന്ന വാഹനവും പോലീസ് പിടിച്ചെടുത്തു.
ഗാന്ധിനഗര്‍ പോലീസ്റ്റേഷനിലെ സി.പി.ഓ മാരായ പ്രവീണ്‍ , രാഗേഷ്,അജിത്ത് കുമാര്‍, ഷൈജു കുരുവിള, അനീഷ്, വിജയലാല്‍ ,രാധാകൃഷ്ണന്‍, ശശികുമാര്‍ ,സോണി, കോട്ടയം സൈബര്‍ പോലീസ് സ്റ്റേഷനിലെ ജോര്‍ജ് ജേക്കബ്‌, ജോബിന്‍സ് ജെയിംസ്‌ എന്നിവര്‍ പോലീസ് സംഘത്തിലുണ്ടായിരുന്നു.
