കൊച്ചി:കസ്തൂരിമാന്‍ എന്ന സീരിയലിലെ ശ്രീക്കുട്ടി എന്ന കഥാപാത്രത്തെ അവതരിപ്പിച്ച് പ്രേക്ഷകരുടെ സ്വീകരണ മുറിയില്‍ നിന്നും മനസിലേയ്ക്ക് ചേക്കേറിയ താരമാണ് ഹരിത ജി നായര്‍. സോഷ്യല്‍ മീഡിയയില്‍ വളരെ സജീവമായ താരം ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം പങ്കുവെയ്ക്കാറുണ്ട്.
അവയെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. ഇപ്പോഴിതാ ആരാധകര്‍ക്കായി പുതിയ സന്തോഷ വാര്‍ത്തയാണ് പുറത്തെത്തുന്നത്. ഹരിത.ജി.നായരുടെ വിവാഹ നിശ്ചയം കഴിഞ്ഞു. വരന്‍ സിനിമ എഡിറ്ററായ വിനായക് ആണ്.
തമിഴ് സിനിമ തമ്ബി, ദൃശ്യം 2, ട്വല്‍ത് മാന്‍ എന്നീ സിനിമകളുടെ എഡിറ്ററാണ് വിനായകന്‍. കോട്ടയം സ്വദേശിയാണ്. ചിത്രങ്ങള്‍ വൈറലായതോടെ ആശംസകളുമായി ആരാധകരും എത്തിയിട്ടുണ്ട്.
ഹരിത അഭിനയരംഗത്ത് എത്തിയത് കസ്തൂരിമാന്‍ സീരിയലിലെ ശ്രീക്കുട്ടി എന്ന കഥാപാത്രത്തെ അവതരിപ്പിച്ചുകൊണ്ടായിരുന്നു. പിന്നീട് തിങ്കള്‍കലമാന്‍ സീരിയലിലെ നായിക കഥാപാത്രവും ശ്രദ്ധ നേടിയിരുന്നു.
