നിപ വൈറസ് സാന്നിദ്ധ്യമുള്ള വവ്വാലുകള്‍ കേരളത്തില്‍ കൂടുന്നു! ആശങ്ക പങ്കുവെച്ച് മലയാളി ശാസ്ത്രജ്ഞന്‍ വി.എം മനോജ്

കോഴിക്കോട്: രണ്ടാംവര്‍ഷവും കേരളത്തിനു ഭീഷണിയായി തലപൊക്കിയ നിപ വൈറസിനെ അതിവിപുലമായ സന്നാഹങ്ങളും വ്യാപക പ്രതിരോധ പ്രവര്‍ത്തനങ്ങളോടുമാണ് നാം നേരിട്ടത്. കൃത്യമായ പ്രതിരോധ പ്രവര്‍ത്തനങ്ങളിലൂടെ ഏതാനും ദിവസങ്ങള്‍ കൊണ്ടുതന്നെ നിപ വൈറസ് പടര്‍ന്നു പിടിക്കുന്നത് നമുക്ക് തടയാനായി. എന്നാല്‍ നിപയുമായി ബന്ധപ്പെട്ട് കഴിഞ്ഞ ദിവസം ആരോഗ്യ മന്ത്രി നല്‍കിയ കണക്കുകള്‍ അത്ര ശുഭകരമായ സൂചനയല്ലെന്നാണ് വിദഗ്ധരുടെ അഭിപ്രായം. കഴിഞ്ഞ വര്‍ഷത്തേക്കാള്‍ നിപ വൈറസ് സാന്നിധ്യമുള്ള വവ്വാലുകളുടെ എണ്ണം വര്‍ധിച്ചുവെന്നത് തന്നെയാണ് ആശങ്കയ്ക്ക് കാരണം.

മലയാളി ശാസ്ത്രജ്ഞനായ വി.എം മനോജിന്റെ ഫേസ്ബുക്ക് പോസ്റ്റിലാണ് ഇതുസംബന്ധിച്ച് കണക്കുകള്‍ ചൂണ്ടിക്കാട്ടുന്നത്. 2018ല്‍ പരിശോധിച്ചവയില്‍ 19% വവ്വാലുകളില്‍ നിപ വൈറസ് കണ്ടെത്തിയപ്പോള്‍ ഇത്തവണ 33% വവ്വാലുകളിലാണ് നിപ വൈറസ് സാന്നിധ്യം കണ്ടെത്തിയത്. ഈ രണ്ടുവര്‍ഷങ്ങളിലും 20-33% വവ്വാലുകളില്‍ വൈറസ് സാന്നിധ്യം കണ്ടെത്തി എന്നത് ഇനിയും കേരളത്തിന് നിപ ഭീതിയില്‍നിന്ന് ഉടന്‍വിട്ടുപോകാന്‍ കഴിയില്ലെന്നും അദ്ദേഹം പറയുന്നു. കേരളത്തിലെ എല്ലാ പ്രദേശങ്ങളിലെ വവ്വാലുകളുടെ സാമ്പിളുകള്‍ ശേഖരിച്ചു പരിശോധിക്കേണ്ടിയിരുന്ന സമയം അതിക്രമിച്ചിരിക്കുന്നതായും പക്ഷികള്‍ കൊത്തിയ പഴങ്ങള്‍ കഴിക്കാതിരിക്കാനുള്ള ബോധവല്‍ക്കരണം നല്‍കണമെന്നും വി.എം മനോജ് ആവശ്യപ്പെടുന്നു.

ഫേസ്ബുക്ക് പോസ്റ്റിന്റെ പൂര്‍ണ്ണരൂപം