ചാവക്കാട്: ചാവക്കാട് വിശ്വനാഥ ക്ഷേത്രത്തിന് സമീപം ദേശീയ പാത 66ല്‍ ടോറസ് ലോറിയും സ്‌കൂട്ടറും കൂട്ടിയിടിച്ച് നവവധു മരിച്ചു. മണത്തല ബേബി റോഡ് രാമാടി വീട്ടില്‍ നന്ദകിഷോറിന്റെ ഭാര്യ നൈമ(23)യാണ് മരിച്ചത്. ഇന്നലെ ഉച്ചക്ക് 12.20നായിരുന്നു അപകടം ഉണ്ടായത്.
ഭര്‍ത്താവിന്റെ വീട്ടില്‍ നിന്നു വടക്കേക്കാടുള്ള ബാങ്കിലേക്ക് സ്‌കൂട്ടറില്‍ പോകുമ്പോള്‍ ആണ് അപകടം ഉണ്ടായത്. സാരമായി പരുക്ക് പറ്റിയ നൈമയെ ഹയാത്ത് ആശുപത്രിയില്‍ എത്തിച്ചെങ്കിലും രക്ഷിക്കാന്‍ സാധിച്ചില്ല. 2020 ജനുവരി അഞ്ചിനായിരുന്നു നൈമയും നന്ദകിഷോറും വിവാഹിതര്‍ ആകുന്നത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
