കൊച്ചി: നവരാത്രി തിരക്ക് കണക്കിലൊടുത്ത് കൂടുതൽ സ്പെഷൻ ട്രെയിനുകൾ പ്രഖ്യാപിച്ച് ദക്ഷിണ റെയിൽവേ. ചെന്നൈ സെൻട്രൽ – കോട്ടയം, ചെന്നൈ എഗ്‌മൂർ – കന്യാകുമാരി റൂട്ടുകളിൽ ആണ് സ്പെഷൻ ട്രെയിനുകൾ പ്രഖ്യാപിച്ചിരിക്കുന്നത്. കോട്ടയത്തേക്കുള്ള സർവീസുകൾ (നമ്പർ. 06195) ഇന്ന് (10.11.2024) രാത്രി 11.55ന് ചെന്നെെ സെൻട്രലിൽ നിന്ന് പുറപ്പെടും.
തൊട്ടടുത്ത ദിവസം (11.11.2024) ഉച്ചയ്ക്ക് 1.45ന് ട്രെയിൽ കോട്ടയത്ത് എത്തും.
കോട്ടയത്ത് നിന്നും ചെന്നെെയിലേക്ക് സർവീസുകൾ ഉണ്ടായിരിക്കും. 11,11,2024ന് വൈകിട്ട് 4.45ന് കോട്ടയത്ത് നിന്നും പുറപ്പെട്ട് പിറ്റേന്ന് രാവിലെ 8.20ന് ചെന്നെെ സെൻട്രലിലെത്തും. പാലക്കാട്, തൃശൂർ, ആലുവ, എറണാകുളം ടൗൺ എന്നിവിടങ്ങളിൽ ആണ് ഈ ട്രെയിന് സ്റ്റോപ്പുകൾ ഉള്ളത്.
8 സ്ലീപ്പർ കോച്ചുകളും 10 ജനറൽ സെക്കൻഡ് ക്ലാസ് കോച്ചുകളുമാണ് ട്രെയിനിൽ ഉള്ളത്. ചെന്നൈ എഗ്‌മൂർ – കന്യാകുമാരി സ്പെഷൽ (06193) ഇന്ന് (10,11,202₨) 12നും രാത്രി 11.45ന് എഗ്‌മൂറിൽ നിന്ന് പുറപ്പെടും. നാളെ ഉച്ചയ്ക്ക് 12.20 കന്യാകുമാരിയിലെത്തും. ഇനിടെ നിന്നും നാളെയും 13നും ഉച്ചയ്ക്കു ശേഷം 2.45ന് പുറപ്പെട്ട് പിറ്റേന്ന് പുലർച്ചെ 3.15ന് എഗ്‌മൂറിലെത്തും. ഇന്ന് എറണാകുളത്തു നിന്ന് മംഗളൂരുവിലേക്കും സ്പെഷൽ ട്രെയിനുണ്ട്.
അതേസമയം, നവരാത്രി ആഘോഷങ്ങളുടെ ഭാഗമായി സംസ്ഥാനത്തെ സർക്കാർ, അർദ്ധ സർക്കാർ, പൊതുമേഖലാ സ്ഥാപനങ്ങൾക്കും സംസ്ഥാനത്ത് നെഗോഷ്യബിൾ ഇൻസ്ട്രമെന്റ് ആക്ട് പ്രകാരം പ്രവർത്തിക്കുന്ന സ്ഥാപനങ്ങൾക്കും ഒക്ടോബർ 11ന് സർക്കാർ പൊതുഅവധി പ്രഖ്യാപിച്ചു.
നവരാത്രിയെ വരവേൽക്കാൻ വേണ്ടി കേരളം ഒരുങ്ങി കഴിഞ്ഞു. കേരളത്തിലെ വിവിധ ക്ഷേത്രത്തിൽ വലിയ തരത്തിലുള്ള ഒരുക്കങ്ങൾ ആണ് നടക്കുന്നത്. കൊല്ലൂര്‍ മൂകാംബികക്ഷേത്രത്തിൽ വലിയ ഭക്തജനത്തിരക്കാണ് തിരക്കാണ് കഴിഞ്ഞ ദിവസം അനുഭവപ്പെട്ടത്. നവരാത്രിയോടനുബന്ധിച്ച് ക്ഷേത്രദര്‍ശനം നടത്താൻ നിരവധി സിനിമാ താരങ്ങൾ എത്തുന്നുണ്ട്.
എറണാകുളം ചോറ്റാനിക്കര ക്ഷേത്രത്തിലും വലിയ ആഘോഷങ്ങൾ ആണ് നടക്കുന്നത്. നൂറിലേറെ വാദ്യകലാകാരന്മാരോടൊപ്പം പവിഴമല്ലിത്തറ മേളത്തിന്റെ മേളപ്രമാണിയായി നടൻ ജയറാം. നവരാത്രി മഹോത്സവത്തിന്റെ ഭാഗമായാണ് ക്ഷേത്രാങ്കണത്തിൽ പവിഴമല്ലിത്തറ മേളം എല്ലാ വർഷവും സംഘടിപ്പിക്കാറുണ്ട്. വലിയ ആഘോഷങ്ങൾ ആണ് ചോറ്റാനിക്കര അമ്പലത്തിൽ നടക്കുന്നത്. തുടർച്ചയായി 11-ാം വർഷമാണ് മേളം നടക്കുന്നത്. എല്ലാ വർഷവും മേളപ്രമാണി ജയറാമാണ്.