പെട്രോള്‍ അടിച്ചതിന്റെ കുടിശിക അടയ്ക്കാത്തതിനാല്‍ കാറിന് ഇന്ധനം നല്‍കിയില്ല; ബസില്‍ യാത്ര ചെയ്ത് മന്ത്രി, വീഡിയോ വൈറല്‍

പുതുച്ചേരി: പെട്രോള്‍ അടിച്ചതിന്റെ കുടിശിക നല്‍കാത്തതിന്റെ പേരില്‍ മന്ത്രിയുടെ കാറിന് ഇന്ധനം അടിച്ച് നല്‍കിയില്ല. മന്ത്രിയോഗത്തില്‍ പങ്കെടുക്കാന്‍ പോയത് ബസില്‍. പുതുച്ചേരി മന്ത്രി ആര്‍ കമാലകണ്ണനാണ് കാറില്‍ ഇന്ധനം നിറയ്ക്കാന്‍ പെട്രോള്‍ സ്റ്റേഷന്‍ വിസമ്മതിച്ചതിനെ തുടര്‍ന്ന് ബസില്‍ യാത്ര ചെയ്തത്.

കോ-ഓപ്പറേറ്റീവ് പെട്രോള്‍ സ്റ്റേഷനാണ് സര്‍ക്കാര്‍ വകുപ്പുകളുടെ വാഹനങ്ങള്‍ക്ക് ഇന്ധനം അടിച്ചതിന്റെ കുടിശ്ശിക നല്‍കാത്തതില്‍ പ്രതിഷേധിച്ച് മന്ത്രിയുടെ കാറിന് ഇന്ധനം നിറയ്ക്കാന്‍ വിസമ്മതിച്ചത്. ഇതിന്റെ വീഡിയോ സോഷ്യല്‍ മീഡിയയില്‍ വൈറലാകുകയാണ്.