‘ഇന്നെന്റെ മകന്‍ ജീവിച്ചിരിക്കുന്നെങ്കില്‍ കാരണക്കാരന്‍ സുരേഷ്‌ഗോപിയാണ്’ ; മണിയൻപിള്ള രാജു പറയുന്നു
കൊച്ചി: കോവിഡ് കാലത്തുണ്ടായ അനുഭവം പങ്കിട്ട നടൻ മണിയൻപിള്ള രാജുവിന്റെ തുറന്നുപറച്ചിൽ ഇപ്പോൾ വൈറൽ ആയി മാറുന്നു. തന്റെ മകൻ ഇപ്പോൾ ജീവിച്ചിരിക്കാൻ കാരണം നടൻ സുരേഷ് ഗോപി ആണെന്നാണ് മണിയൻപിള്ള രാജു വെളിപ്പെടുത്തിയിരിക്കുന്നത്.
ഗുജറാത്തിലെ ഒരു വിദൂരമായ സ്ഥലത്തുളള എണ്ണ കമ്പനിയിൽ ജോലി ചെയ്യുന്ന വ്യക്തിയാണ് തന്റെ മകൻ സച്ചിൻ. കോവിഡ് കാലത്ത് മകനെയും മഹാമാരി പിടിമുറുക്കി.
തുടർന്ന്, ശ്വാസകോശത്തെ തകരാറിലാക്കുകയും ചെയ്തു. ഈ ദുരനുഭവം സമയത്താണ് നടനും എം പിയും ആയ സുരേഷ് ഗോപി സഹായഹസ്തവുമായി തനിക്ക് മുന്നിൽ എത്തിയത്. മകനെ രക്ഷിക്കുന്നതിലേക്ക് സഹായം ആവശ്യപ്പെട്ടപ്പോൾ ഒന്നല്ല, പകരം അദ്ദേഹം 4 എംപിമാരെയാണ് സുരേഷ് ഗോപി ബന്ധപ്പെടാൻ തയ്യാറായത്.
അദ്ദേഹത്തിന്റെ ഇടപെടലിൽ മകനെ ഉടൻ തന്നെ അത്യാധുനിക സജ്ജീകരണങ്ങളുള്ള ആശുപത്രിയിൽ എത്തിക്കാൻ കഴിഞ്ഞു എന്ന് മണിയൻപിള്ള രാജു പറയുന്നു. അന്ന് അങ്ങനെ ആശുപത്രിയിൽ എത്തിക്കാൻ കഴിഞ്ഞതിനാൽ മകൻ രക്ഷപ്പെട്ടു എന്നും മണിയൻപിള്ള രാജു വ്യക്തമാക്കി. മകനെ ആശുപത്രിയിൽ എത്തിക്കാൻ അൽപ സമയം വൈകിയിരുന്നു എങ്കിൽ തന്റെ മകനെ ഇപ്പോൾ ജീവനോടെ കാണാൻ കഴിയില്ലായിരുന്നു. സുരേഷിന്റെ ഇടപെടൽ മൂലമാണ് അന്ന് മകനെ കൃത്യമായി ആശുപത്രിയിൽ എത്തിക്കാൻ കഴിഞ്ഞത്.
