ഈയിടെയായി സൂര്യന് വളരെ സജീവമാണ്. ഈ മാസത്തിനിടയില്, സൂര്യന് ‘നിര്ത്താതെ പൊട്ടിത്തെറിക്കുന്നു’, ‘ഭീമന് ജ്വാലകള് വരുന്നു,’ ശാസ്ത്രജ്ഞര് പറയുന്നു. ഈ ചൊവ്വാഴ്ച, സൂര്യന് രണ്ട് അതിശക്തമായ സ്ഫോടനങ്ങള് നടത്തി, വര്ദ്ധിച്ചുവരുന്ന സൗരപ്രവര്ത്തനത്തിന് നാസയുടെ ബഹിരാകാശ ടെലിസ്കോപ്പ് സാക്ഷ്യം വഹിച്ചു.
ഫെബ്രുവരി 15 ന്, നാസ ഒരു ഭീമാകാരമായ കൊറോണല് മാസ് എജക്ഷന് (CME) രേഖപ്പെടുത്തി, പക്ഷേ ഭാഗ്യവശാല്, അത് സൂര്യന്റെ മറുവശത്തേക്ക് അഭിമുഖമായിരുന്നു. ഭൂമിയില് പതിക്കുകയാണെങ്കില്, അത് ശക്തമായ ഭൂകാന്തിക കൊടുങ്കാറ്റ് സൃഷ്ടിക്കുമായിരുന്നുവെന്ന് ശാസ്ത്രജ്ഞനായ ഡോ. ടോണി ഫിലിപ്സ് പറഞ്ഞു. ഒരു എം-ക്ലാസ് ഫ്ലെയര് (സൗരജ്വാലകളുടെ രണ്ടാമത്തെ ശക്തമായ വിഭാഗം) ജനുവരി 29-ന് 40 സ്പേസ് എക്സ് ഉപഗ്രഹങ്ങളെ കൊന്നൊടുക്കി.
ഈ സിഎംഇകള് പ്രധാനമായും സൂര്യന്റെ പുറം പാളിയില് നിന്ന് പ്ലാസ്മ എന്നറിയപ്പെടുന്ന അത്യധികം ചൂടുള്ള പദാര്ത്ഥം മൂലം പൊട്ടിത്തെറിക്കുന്ന വലിയ സ്ഫോടനങ്ങളാണ്. സൗരജ്വാലയില് നിന്നുള്ള ഹാനികരമായ വികിരണം ഭൂമിയുടെ അന്തരീക്ഷത്തിലൂടെ കടന്നുപോകാനും മനുഷ്യനെ ബാധിക്കാനും കഴിയില്ലെങ്കിലും, അത് ജിപിഎസ് കണക്റ്റിവിറ്റിയെയും ആശയവിനിമയ സിഗ്നലുകളെയും തടസ്സപ്പെടുത്തും. നിലവില്, സൂര്യന് ഒരു പുതിയ 11 വര്ഷം നീണ്ടുനില്ക്കുന്ന സൗരചക്രത്തിന്റെ തുടക്കത്തിലാണ്. ഈ സമയത്ത് തീജ്വാലകളും സ്ഫോടനങ്ങളും തീവ്രമാകുന്നത് സ്വാഭാവികമാണ്.
നാസയുടെ സോളാര് ഓര്ബിറ്റര് അടുത്തിടെ ഈ ഭീമാകാരമായ സോളാര് സ്ഫോടനത്തിന്റെ ചിത്രം പിടിച്ചെടുത്തു. ഫെബ്രുവരി 15 ന് നാസ ഈ സൗര പ്രാധാന്യത്തിന്റെ ചിത്രം പകര്ത്തിയതായി ഒരു ഇഎസ്എ പ്രസ്താവന അവകാശപ്പെട്ടു. സൂര്യന്റെ കാന്തികക്ഷേത്രത്തിന്റെ ഉപരിതലത്തിന് മുകളിലായി സ്ഥിതി ചെയ്യുന്ന സൗരവാതക മേഘങ്ങള് ചേര്ന്നതാണ് സൗരപ്രമുഖത്വം. നമ്മള് മുകളില് ചര്ച്ച ചെയ്ത സിഎംഇ-കള്ക്ക് കാരണമാകുന്നത് ഇവയാണ്. ഭീമാകാരമായ സ്ഫോടനം 3.5 ദശലക്ഷം കിലോമീറ്റര് ദൈര്ഘ്യമുള്ളതായിരുന്നു നാസ പറയുന്നതനുസരിച്ച്, ‘സോളാര് ഡിസ്കിനൊപ്പം ഒരൊറ്റ വ്യൂവില് പകര്ത്തിയ ഇത്തരത്തിലുള്ള എക്കാലത്തെയും വലിയ സംഭവമാണിത്.’
2030 ആകുന്നതോടെ ചൊവ്വയിലേക്ക് മനുഷ്യനെ എത്തിക്കാനുള്ള (Trips to Mars) നീക്കത്തിലാണ് ലോകത്തിലെ വന് ശക്തികള്. അമേരിക്കയും, ചൈനയും ഇതിനായുള്ള ദൗത്യങ്ങളുടെ തുടക്കഘട്ടത്തിലാണ്. അതിനാല് തന്നെ ഏറ്റവും മികച്ച സാങ്കേതിക വിദ്യയും സാമഗ്രികളും ഉപയോഗിക്കുക എന്നത് ഈ ദൗത്യങ്ങളുടെ പരമപ്രധാനമായ കാര്യമാണ്. ഇപ്പോഴത്തെ സാങ്കേതിക വിദ്യകള് ഉപയോഗിച്ച ഒരോ 26 മാസങ്ങള് കൂടുമ്പോള് ചൊവ്വയും, ഭൂമിയും ഏറ്റവും അടുത്തുവരുന്ന സമയത്ത് ദൗത്യം നടപ്പിലാക്കിയാല് ചൊവ്വയില് എത്താനും തിരിച്ചുവരാനും ആറ് മുതല് ഒന്പത് മാസം എടുക്കും.
ഏറ്റവും നൂതനമായ ന്യൂക്ലിയര് തെര്മല് അല്ലെങ്കില് ന്യൂക്ലിയര് ഇലക്ട്രിക് പ്രൊപ്പലേഷന് (NTP/NEP) ഉപയോഗിച്ചാല് പോലും ഒരു വശത്തേക്ക് കൂടിയത് 100 ദിവസം എടുക്കും. ഈ ഘട്ടത്തിലാണ് മൊണ്ട്രിയലിലെ മക്ഗില് യൂണിവേഴ്സിറ്റിയിലെ ഗവേഷകര് ലേസര് തെര്മര് പ്രൊപ്പലേഷന് ( laser-thermal propulsion) സംവിധാനം എന്ന ആശയം മുന്നോട്ട് വയ്ക്കുന്നത്. ഇവരുടെ പഠനം പ്രകാരം ലേസര് ഉപയോഗിച്ച് പ്രവര്ത്തിക്കുന്ന ഹൈഡ്രജന് ഫ്യൂവല് എഞ്ചിനുകള് ചൊവ്വയിലേക്കുള്ള ദൂരം വെറും 45 ദിവസമായി കുറയ്ക്കുന്നു എന്നാണ് പറയുന്നത്.
മോണ്ട്രിയലിലെ മക്ഗില് യൂണിവേഴ്സിറ്റിയിലെ ഡിപ്പാര്ട്ട്മെന്റ് ഓഫ് മെക്കാനിക്കല് എഞ്ചിനീയറിംഗിലെ അസോസിയേറ്റ് പ്രഫ.ആന്ട്രൂ ഹിഗ്ഗിന്സ്, എംഎസ്സി എയറോസ്പേസ് എഞ്ചിനീയറിംഗ് ഗവേഷകന് ഇമാനുവല് ഡ്യൂപ്ലേ. മറ്റ് ഗവേഷകര് എല്ലാം ചേര്ന്നാണ് ‘ഡിസൈന് ഓഫ് റാപ്പിഡ് ട്രാന്സിറ്റ് ടു മാര്സ് മിഷന് യൂസിംഗ് ലേസര് തെര്മല് പ്രൊപ്പല്ഷന്’ (Design of a rapid transit to Mars mission using laser-thermal propulsion) എന്ന പഠനം അവതരിപ്പിച്ചത്. ഇവര് ഇത് സംബന്ധിച്ച തയ്യാറാക്കിയ പഠനം ജേര്ണല് ആസ്ട്രോണമി യില് പ്രസിദ്ധീകരിച്ചിട്ടുണ്ട്.