പോണ്‍ വീഡിയോ കൂടുതലും ആഘോഷമാകുന്നത് കോളേജ് വിദ്യാര്‍ത്ഥികള്‍, ഭൂരിഭാഗം പെണ്‍കുട്ടികളും സെക്‌സ് ആസ്വദിക്കുന്നു; ഞെട്ടിക്കുന്ന റിപ്പോര്‍ട്ട് പുറത്ത്

മുംബൈ: പോണ്‍ വീഡിയോസ് ഏറ്റവും കൂടുതല്‍ ആഘോഷമാക്കുന്നത് കോളേജ് വിദ്യാര്‍ത്ഥികളാണെന്ന് പഠനം. മുംബൈയില്‍ 16-22 വയസിനിടയിലുള്ള കുട്ടികള്‍ അശ്ലീലത്തിലേക്കും പോണ്‍ വിഡിയോയിലേക്കും വ്യാപകമായി തിരിയുന്നതായി സ്വകാര്യ സംഘം നടത്തിയ സര്‍വേയില്‍ വ്യക്തമാകുന്നു. റെസ്‌ക്യൂ റിസര്‍ച്ച് ആന്‍ഡ് ട്രെയിനിങ് ചാരിറ്റബിള്‍ ട്രസ്റ്റിന്റെ മേല്‍നോട്ടത്തിലാണ് സര്‍വേ നടത്തിയത്. 16-22 വയസിനിടയിലുള്ള കോളേജ് വിദ്യാര്‍ഥികള്‍ക്കിടയിലെ അശ്ലീല സ്വാധീനം അറിയുക എന്നതായിരുന്നു സര്‍വേയുടെ പ്രധാന ലക്ഷ്യം.

മുംബൈയിലെ 30 ഇംഗ്ലിഷ് മീഡിയം കോളേജില്‍ നിന്നുള്ള അഞ്ഞൂറോളം വിദ്യാര്‍ഥികളില്‍ സര്‍വേ നടത്തി. കുറഞ്ഞത് 33 ശതമാനം ആണ്‍കുട്ടികളും 24 ശതമാനം പെണ്‍കുട്ടികളും ലൈംഗിക ബന്ധത്തില്‍ ഏര്‍പ്പെടുകയും അവരുടെ നഗ്നചിത്രങ്ങള്‍ ഫോണുകളില്‍ പങ്കിടുകയും ചെയ്തിട്ടുണ്ട്. കോളേജ് വിദ്യാര്‍ഥികളില്‍ 40 ശതമാനവും മാനഭംഗവുമായി ബന്ധപ്പെട്ടതും അക്രമപരവുമായ വിഡിയോകള്‍ അവരുടെ ഫോണുകളിലും കംപ്യൂട്ടറുകളിലും ലാപ്‌ടോപ്പുകളിലും കാണുന്നു. സര്‍വേ പ്രകാരം, ഒരു ആണ്‍കുട്ടി ആഴ്ചയില്‍ കുറഞ്ഞത് 40 മാനഭംഗ വിഡിയോകള്‍ കാണുന്നു. കൂടാതെ 20 ലക്ഷത്തിലധികം മാനഭംഗവുമായി ബന്ധപ്പെട്ട വിഡിയോകള്‍ മുംബൈ നഗരത്തില്‍ ദിവസവും കാണുന്നുണ്ട്.

അശ്ലീല വിഡിയോകള്‍ കണ്ട ശേഷം കൂട്ടമാനഭംഗത്തിന് ആഗ്രഹം പ്രകടിപ്പിച്ചതായി 63 ശതമാനം ആണ്‍കുട്ടികളെങ്കിലും സമ്മതിച്ചു. 25 ശതമാനം പുരുഷ വിദ്യാര്‍ഥികളും അത്തരം വിഡിയോകള്‍ കാണുന്നത് ഈ പ്രവൃത്തി ചെയ്യാനുള്ള ആഗ്രഹത്തിന് കാരണമായതായി സമ്മതിച്ചു. 60 ശതമാനം ആണ്‍കുട്ടികളും അശ്ലീല വിഡിയോകള്‍ കണ്ട ശേഷം എസ്‌കോര്‍ട്ട് സേവനങ്ങള്‍ ഉപയോഗിച്ചതായി സമ്മതിച്ചിട്ടുണ്ട്. മിക്ക അശ്ലീല സൈറ്റുകളും കാഴ്ചക്കാരെ ആകര്‍ഷിക്കുന്ന എസ്‌കോര്‍ട്ട് സേവനങ്ങളുടെ ഫ്ലാഷ് നമ്പറുകളാണ് ഇതിന് പിന്നിലെ കാരണം.

46 ശതമാനം പുരുഷ വിദ്യാര്‍ഥികളും തങ്ങള്‍ കുട്ടികളുടെ പോണ്‍ വിഡിയോകള്‍ക്ക് അടിമകളാണെന്ന് അംഗീകരിച്ചു. ഇത് ബിസിനസ്സില്‍ ഉപയോഗിക്കുന്ന ചെറുപ്പക്കാരായ പെണ്‍കുട്ടികളെ മനുഷ്യക്കടത്ത് പ്രോത്സാഹിപ്പിക്കുന്നു. സര്‍വേയ്ക്കിടെ പുറത്തുവന്ന ഞെട്ടിക്കുന്ന ഒരു ഡേറ്റ കുറഞ്ഞത് 10 ശതമാനം കോളേജില്‍ പോകുന്ന പെണ്‍കുട്ടികള്‍ ഗര്‍ഭം അലസിപ്പിക്കല്‍ ശസ്ത്രക്രിയയ്ക്ക് വിധേയരാകുന്നു എന്നതാണ്. മുംബൈയില്‍ പ്രതിമാസം 4,000 കോളേജ് പെണ്‍കുട്ടികള്‍ ഗര്‍ഭം ധരിക്കുകയും ഗര്‍ഭച്ഛിദ്രത്തിന് പോകുകയും ചെയ്യുന്നുണ്ട്.