കോട്ടയം :നഗരത്തിൽ നിന്നും കാണാതായ മൊബൈൽ ഷോപ്പ് ജീവനക്കാരനായ യുവാവിനെ കൊച്ചിയിൽ മരിച്ച നിലയിൽ കണ്ടെത്തി.ശിവപുരം പടുപാറ സുബൈദ മൻസിലിൽ അസുറുദീൻ (23)ൻ്റെ മൃതദേഹമാണ് മറൈൻ ഡ്രൈവ് സി.എം.എഫ്.ആർ.ഐയ്ക്ക് സമീപമുള്ള കോർപറേഷൻ കെട്ടിടത്തിനടുത്ത് കണ്ടെത്തിയത്. കഴിഞ്ഞ ദിവസമായിരുന്നു അസറുദ്ദീനെ കാണാതായത്. ജോലിയുടെ ആവശ്യത്തിലേക്ക് എന്നപേരിൽ പേരിൽ എറണാകുളം ഭാഗത്തേക്ക് പോവുകയായിരുന്നു. യുവാവിനെ പിന്നീട് കാണാനില്ലെന്ന് പരാതി ഉയരുകയായിരുന്നു. ബന്ധുക്കൾ പോലീസിൽ പരാതി നൽകിയിരുന്നു. പോലീസ് അന്വേഷണം പുരോഗമിയ്ക്കുന്നതിനിടെയാണ് മൃതദേഹം കണ്ടെത്തിയത്.മരണകാരണമടക്കമുള്ള കാര്യങ്ങൾ വ്യക്തമല്ല.
കോട്ടയം നഗര മധ്യത്തിലെ മൊബൈൽ ഷോപ്പ് ജീവനക്കാരനായ യുവാവിനെ കാണാനില്ലെന്ന് കഴിഞ്ഞ ദിവസമാണ് കോട്ടയം വെസ്റ്റ് പൊലീസിൽ പരാതി ലഭിച്ചത്. ജോലിയുടെ ആവശ്യത്തിലേക്ക് എന്നപേരിൽ പേരിൽ എറണാകുളം ഭാഗത്തേക്ക് പോവുകയായിരുന്നു ഇദ്ദേഹം. പിന്നീട് യുവാവിനെ പിന്നെ കാണാനില്ലെന്ന് പരാതി ഉയരുകയായിരുന്നു. തുടർന്നാണ് ബന്ധുക്കൾ പൊലീസിൽ പരാതി നൽകിയത്.
കാണാതായ യുവാവിനെ മൊബൈൽ ടവർ പിൻതുടർന്ന പൊലീസ് സംഘം നടത്തിയ അന്വേഷണത്തിലാണ് ഇയാൾ എറണാകുളം ഭാഗത്തുണ്ടെന്ന് കണ്ടെത്തിയത്. തുടർന്ന് ഇയാളുടെ ഫോണിൽ നിന്നും അവസാനം പോയ കോൾ കേന്ദ്രീകരിച്ച് അന്വേഷണം നടത്തുകയായിരുന്നു. ഇയാളുടെ സുഹൃത്തായ ഒരു പെൺകുട്ടിയാണ് അവസാനം ഫോൺ ചെയ്തതെന്ന് പൊലീസ് സംഘം കണ്ടെത്തി.
പൊലീസ് സംഘം യുവാവ് അവസാനം ഉണ്ടായിരുന്നു എന്നു പറയപ്പെടുന്ന മറൈൻ ഡ്രൈവിന് സമീപമുള്ള സ്ഥലത്ത് നിന്നും മൃതദേഹം കണ്ടെത്തുകയായിരുന്നു.
പൊലീസ് സംഘം സ്ഥലത്തെത്തി മൃതദേഹം ആശുപത്രിയിലേക്ക് മാറ്റി. യുവാവിന്റെ ബന്ധുക്കളും സുഹൃത്തുക്കളും അടക്കമുള്ളവർ സംഭവസ്ഥലത്തേക്ക് തിരിച്ചിട്ടുണ്ട്. പോസ്റ്റുമോർട്ടം അടക്കമുള്ള നടപടികൾ പൂർത്തിയായ ശേഷം മാത്രമേ മരണകാരണം വ്യക്തമാകൂവെന്ന് പോലീസ് അറിയിച്ചു.
