സിപിഎം നേതാവിന്റെ വീടുകയറി ആക്രമണം, വാതിൽ വെട്ടിപ്പൊളിച്ച് അകത്തുകയറി, വാഹനങ്ങളും ചെടിച്ചട്ടികളും അടിച്ചുതകർത്തു

തിരുവനന്തപുരം: സിപിഎം നേതാവിന്റെ വീടുകയറി ആക്രണം. തിരുവനന്തപുരത്താണ് സംഭവം. തിരുവനന്തപുരം വിളപ്പിൽ സിപിഎം ഏരിയ കമ്മറ്റി അംഗം അസീസ് പേയാടിന്റെ വീട്ടിലാണ് അഞ്ചംഗ സംഘം അക്രമം അഴിച്ചുവിട്ടത്. ബൈക്കിലാണ് അക്രമികൾ എത്തിയത്. തുടർന്ന് വീടിന് മുന്നിൽ പാർക്ക് ചെയ്തിരുന്ന ആക്ടീവ സ്കൂട്ടറും പൾസർ ബൈക്കും അടിച്ചു തകർത്തു.

തുടർന്ന് വീടിന്റെ ജനൽ ചില്ലുകൾ തകർത്തു. മുൻ വാതിൽ വെട്ടിപ്പൊളിച്ച് വീടിന്റെ അകത്തുകയറി. വിട്ടമ്മ ബഹളം വെച്ചതിനെ തുടർന്ന് അഞ്ചംഗ അക്രമി സംഘം പുറത്തേക്ക് ഇറങ്ങി ഓടുകയായിരുന്നു. പോലീസ് അക്രമികൾക്കുവേണ്ടിയുള്ള തെരച്ചിൽ ആരംഭിച്ചു