SUICIDE 🚨വായ്പാ കുടിശ്ശിക മുടങ്ങി; കോട്ടയത്ത് ഗൃഹനാഥൻ ആത്മഹത്യചെയ്തു

കോട്ടയം: വൈക്കത്തിന് സമീപം തലയാഴത്ത് ഗൃഹനാഥൻ ആത്മഹത്യ ചെയ്തു. വാക്കേത്തറ സ്വദേശി കാർത്തികേയൻ (61) ആണ് മരിച്ചത്. വായ്പാകുടിശ്ശിക മുടങ്ങിയതിനേത്തുടർന്നുള്ള മനോവിഷമം മൂലമാണ് ആത്മഹത്യയെന്നാണ് സൂചന.

തോട്ടകം സഹകരണ ബാങ്കിൽ കാർത്തികേയന് 17 ലക്ഷം രൂപയുടെ വായ്പാകുടിശ്ശിക ഉണ്ടായിരുന്നു. 2014-ൽ എടുത്ത വായ്പയുടെ തിരിച്ചടവ് മുടങ്ങിയതിനെ തുടർന്ന് വ്യാഴാഴ്ച രാവിലെ കാർത്തികേയന്റെ വീടും സ്ഥലവും അളന്ന് ബാങ്ക് ഉദ്യോഗസ്ഥർ മടങ്ങിയതിനു പിന്നാലെയായിരുന്നു ആത്മഹത്യ.

ബാങ്കിൽ നിന്നുള്ള സമ്മർദ്ദമാണ് മരണകാരണമെന്ന് കുടുംബം ആരോപിച്ചു. ആത്മഹത്യയുടെ കാരണം പരിശോധിച്ചുവരികയാണെന്ന് പോലീസ് അറിയിച്ചു.