കോഴിക്കോട്: കുറ്റ്യാടി ചുരത്തിനടുത്ത് ചൂരനി റോഡിൽ കാറിൽ യുവാവ് തീകൊളുത്തിയ നിലയിൽ. നിർത്തിയിട്ട കാറിൽനിന്ന് പുക കണ്ടതോടെ നാട്ടുകാർ ഓടിയെത്തുകയായിരുന്നു. അകത്ത് നിന്ന് ലോക്ക് ചെയ്ത നിലയിലായിരുന്നു കാർ. ഇതോടെ നാട്ടുകാർ ചില്ലുകൾ തകർത്ത് യുവാവിനെ പുറത്തെടുക്കുകയായിരുന്നു.
പെട്രോൾ ഒഴിച്ചായിരുന്നു തീ കൊളുത്തിയത്. എന്നാൽ തീ വ്യാപിക്കാത്തതിനാൽ നിസാരമായി പൊള്ളലേറ്റിട്ടുള്ളൂ. തീ പടരുന്നതിന് മുമ്പ് തന്നെ ആളുകൾ രക്ഷിക്കുകയായിരുന്നു.
ചോദ്യങ്ങളോടൊന്നും പ്രതികരിക്കാത്തത് കൊണ്ട് തന്നെ ഇയാളുടെ പേരോ മേൽ വിലാസമോ ലഭിച്ചിട്ടില്ല. കാർ വന്ന ദിശ അനുസരിച്ച് വയനാട്ടിൽ നിന്ന് വന്നതാകാം എന്നാണ് കരുതുന്നത്. തിരിച്ചറിയാനുള്ള ശ്രമത്തിലാണ് പോലീസ്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
