പൊന്നാനിയിൽ ഒരു സ്കൂളിലെ 150 വിദ്യാർഥികൾക്കും 34 അധ്യാപകർക്കും കോവിഡ് സ്ഥിരീകരിച്ചു

മലപ്പുറം:പൊന്നാനി മാറഞ്ചേരി സർക്കാർ സ്കൂളിലെ വിദ്യാർഥികൾക്കും അധ്യാപകർക്കുമാണ് കൂട്ടത്തോടെ കോവിഡ് സ്ഥിരീകരിച്ചത്. ഒരു വിദ്യാർഥിക്ക് കോവിഡ് സ്ഥിരീകരിച്ചതിനെത്തുടർന്ന് പത്താംക്ലാസ് വിദ്യാർഥികളും അധ്യാപകരും ഉൾപ്പെടെ 684 പേരെ പരിശോധിക്കുകയായിരുന്നു. കോവിഡ് സ്ഥിരീകരിച്ച 150 വിദ്യാർഥികളും പത്താംക്ലാസ്സുകാരാണ്. ആർക്കും രോഗലക്ഷണങ്ങളില്ല.