കുട്ടനാട്: ഇന്‍ഡ്യന്‍ റെഡ്ക്രോസ് സൊസൈറ്റി ആലപ്പുഴ ജില്ല ബ്രാഞ്ച് പുതിയ ഭാരവാഹികളുടെ സത്യപ്രതിജ്ഞ കുട്ടനാട് സബ് ഡിസ്ട്രിക്റ്റ് ബ്രാഞ്ച് ഓഫീസില്‍വെച്ച് നടന്നു. റിട്ടേണിംഗ് ഓഫീസര്‍ അഡ്വ യദുകൃഷ്ണന്റെ അദ്ധ്യക്ഷതയില്‍ കൂടിയ യോഗത്തില്‍ ജില്ലാ അഡ്മിനിസ്ട്രേറ്റര്‍ ജോബി തോമസ് ഉദ്ഘാടനം ചെയ്തു. റിട്ടേണിംഗ് ഓഫീസര്‍ സത്യവാചകം ചൊല്ലിക്കൊടുത്തു.
പുതിയഭരണസമിതി ഭാരവാഹികളായി വി എ ജോബ് വിരുത്തിക്കരി (ചെയര്‍മാന്‍) വി.കെ. രാജേന്ദ്രന്‍പിളള (വൈസ് ചെയര്‍മാന്‍) എ. മുഹമ്മദ് അക്ബര്‍ (സെക്രട്ടറി) കെ.ജെ ആന്റണി (ട്രഷറര്‍) സംസ്ഥാന കമ്മറ്റി അംഗമായി ജോസ് ജോണ്‍ വെങ്ങാന്തറ, ജില്ലാ മാനേജിംഗ് കമ്മറ്റി അംഗങ്ങളായി ടോംസ് ആന്റണി, ജോസ് ടി പൂണിച്ചിറ, എസ് രാധാകൃഷ്ണന്‍, കെ. നാസര്‍, കെ.കെ.രാധാകൃഷ്ണന്‍പിളള, മുഹമ്മദ് ഷാജി, ലിന്‍സമ്മ ജോസ്, വര്‍ഗ്ഗീസ് കെ സാമുവല്‍ എന്നിവര്‍ സത്യപ്രതിജ്ഞ ചെയ്തു. ജില്ലയിലെ മുഴുവന്‍ പഞ്ചായത്തുകളിലും റെഡ്ക്രോസിന്റെ പ്രവര്‍ത്തനം ശക്തിപ്പെടുത്തുമെന്ന് ചെയര്‍മാന്‍ തന്റെ നയപ്രഖ്യാപനപ്രസംഗത്തില്‍ സൂചിപ്പിച്ചു.