കൊടുവള്ളി : ദേശീയ പാത 766 മദ്റസ ബസാറില്‍ ബൈക്കും ലോറിയും കൂട്ടിയിടിച്ചുണ്ടായ അപകടത്തിൽ രണ്ടുപേര്‍ക്ക് ദാരുണാന്ത്യം. പടനിലം വള്ളിയാട്ടുമ്മല്‍ സന്തോഷ് (44), പറേമടക്കുമ്മല്‍ ശശി (45) എന്നിവരാണ് അപകടത്തിൽ മരിച്ചിരിക്കുന്നത്. ഇവരുടെ കൂടെയുണ്ടയിരുന്ന സുഹൃത്ത് വള്ളിയാട്ടുമ്മല്‍ ശശി ഗുരുതര പരിക്കുകളോടെ മെഡിക്കല്‍ കോളജ് ആശുപത്രിയില്‍ ചികിത്സയിലാണ് കഴിയുന്നത്.
വെള്ളിയാഴ്ച്ച രാവിലെ 10.40 ഓടെയായിരുന്നു അപകടം ഉണ്ടായത്. ചരക്കുമായി കോഴിക്കോട് ഭാഗത്തേക്ക് പോവുകയായിരുന്ന ലോറിയില്‍ എതിരെ വന്ന ബൈക്ക് നിയന്ത്രണംവിട്ട് ഇടിക്കുകയായിരുന്നു ഉണ്ടായത്. ലോറിക്കടിയില്‍പ്പെട്ട ഇവരെ പൊലീസും നാട്ടുകാരും ചേര്‍ന്ന് ഏറെ പണിപ്പെട്ടാണ് പുറത്തെടുക്കുകയുണ്ടായി. മൂന്ന് പേരെയും ആശുപത്രിയിലെത്തിച്ചെങ്കിലും സന്തോഷ് ഉച്ചയോടെയും ശശി വൈകീട്ട് നാലുമണിയോടെയും മരിക്കുകയായിരുന്നു ഉണ്ടായത്.
പ്രദേശത്ത് മുന്നറിയിപ്പ് ബോര്‍ഡുകള്‍ സ്ഥാപിക്കാതെ ഗെയില്‍ പൈപ്പ് ലൈന്‍ സ്ഥാപിക്കുന്ന പ്രവൃത്തി നടക്കുന്നതിനാല്‍ വാഹനങ്ങള്‍ അപകടത്തില്‍പ്പെടുന്നത് ഏറെ പതിവാണ് . സുരക്ഷ സംവിധാനമൊരുക്കാതെ നടന്ന പ്രവൃത്തിയാണ് മദ്റസ ബസാറില്‍ അപകടത്തിന് വഴിയൊരുക്കിയതെന്ന് ആരോപിച്ച്‌ നാട്ടുകാര്‍ ദേശീയപാത ഉപരോധിക്കുകയും ചെയ്തു .
