തിരുവനന്തപുരം: എല്ലാ ബസുകളിലും ഇനിമുതല് അംഗപരിമിതര്ക്കായി ഊന്നുവടികളും കൈവരിയും ഏര്പ്പെടുത്തണമെന്ന് ഗതാഗത മന്ത്രാലയത്തിന്റെ വിജ്ഞാപനം. മോട്ടോര് വാഹന നിയമത്തിന്റെ ചട്ടം ഭേദഗതിചെയ്താണ് വിജ്ഞാപനം ഇറക്കിയത്. മാര്ച്ച് ഒന്നിന് ചട്ടം പ്രാബല്യത്തില് വരും.
പുതിയ നിയമപ്രകാരം സീറ്റുകളില് മുന്ഗണന, അറിയിപ്പുകള് എന്നിവയ്ക്ക് പുറമേ ക്രച്ചസ്/വടി/വാക്കര്, കൈവരി/ഊന്ന് എന്നിവ ബസുകളില് നിര്ബന്ധമായും ഉണ്ടാകണം. വീല്ചെയര് ഉപയോഗിക്കുന്നവര്ക്ക് അതിന് ആവശ്യമായ സൗകര്യവും ഉറപ്പാക്കണം.
ബസുകള്ക്ക് ഫിറ്റ്നസ് നല്കുമ്പോള് ഈ സൗകര്യങ്ങളുണ്ടോ എന്നുള്ള കാര്യം കൂടി ഇനി പരിശോധിക്കും. കഴിഞ്ഞ ജൂലൈ 24 ന് കരട് ചട്ടം പ്രസിദ്ധീകരിച്ച് പൊതുജനാഭിപ്രായം തേടിയിരുന്നു. ഒട്ടേറെ അഭിപ്രായങ്ങളും നിര്ദേശങ്ങളും അതുമായി ബന്ധപ്പെട്ട് മന്ത്രാലയത്തിന് ലഭിച്ചു. അവയെല്ലാം പരിഗണിച്ചാണ് അന്തിമ വിജ്ഞാപനം പുറപ്പെടുവിച്ചത്.