ഉഗ്രരൂപിയായി മഴ; മൂന്നാര്‍ ദേശീയ പാതയില്‍ മണ്ണിടിച്ചില്‍, ഗതാഗത തടസം രൂക്ഷമാകുന്നു

ഇടുക്കി: കനത്ത മഴയിയെ തുടര്‍ന്ന് മൂന്നാറിലെ ദേശീയപാതയില്‍ മണ്ണിടിഞ്ഞ് ഗതാഗത തടസം രൂപപ്പെട്ടു. മൂന്നാര്‍ മുതല്‍ പള്ളിവാസല്‍വരെയുള്ള ഭാഗങ്ങളില്‍ അഞ്ചിടിങ്ങളിലാണ് മണ്ണിടിച്ചിലും മരങ്ങള്‍ കടപുഴകി വീഴകയും ചെയ്തത്.

തുടര്‍ച്ചയായി പെയ്ത മഴയില്‍ ദേവികുളം റോഡിലും മൂന്നാര്‍ ഹെഡ്വര്‍ക്‌സ് ചെക്ക്ഡാമിന് സമീപവും മണ്ണിടിഞ്ഞു. യന്ത്രങ്ങളുടെ സഹായത്തോടെ മണ്ണ് മാറ്റിയെങ്കിലും ശാശ്വത പരിഹാരമായില്ലെന്ന് യാത്രക്കാര്‍ പറയുന്നു. മൂന്നാറിലെ റോഡുകളുടെ സ്ഥിതിയും വളരെ മോശമാണ്. പഴയ മൂന്നാര്‍ മുതല്‍ മൂന്നാര്‍ വരെയുള്ള ഭാഗങ്ങള്‍ പൊട്ടിപൊളിഞ്ഞുകിടക്കുകയാണ്. മൂന്നാര്‍ ദേവികുളം ഭാഗങ്ങളിലും മണ്ണിടിച്ചില്‍ രൂക്ഷമാണ്.