തിരുവനന്തപുരത്ത് നിയന്ത്രണം വിട്ട കെ.എസ്.ആര്‍.ടി.സി ബസ് കുഴിയിലേക്ക് മറിഞ്ഞ് നിരവധി പേര്‍ക്ക് പരിക്ക്

തിരുവനന്തപുരം: കെ എസ് ആര്‍ ടി സി ബസ് നിയന്ത്രണം വിട്ട് മറിഞ്ഞ് നിരവധി പേര്‍ക്ക് പരിക്ക്. തെങ്കാശിയില്‍ നിന്നും തിരുവനന്തപുരത്തേക്ക് വന്ന ബാസാണ് പാലോട് കരിമങ്കോട്ടു വച്ച് അപകടത്തില്‍പ്പെട്ടത്. ഓടിക്കൊണ്ടിരിക്കെ നിയന്ത്രണം വിട്ട കെ എസ് ആര്‍ ടി സി ബസ് കുഴിയിലേക്ക് മറിയുകയായിരിന്നു. അപകടത്തില്‍ പെടുമ്പോള്‍ ബസിലുണ്ടായിരുന്ന 20 യാത്രക്കാരെ ആശുപത്രിയിലേക്ക് മാറ്റി. ഇതില്‍ 2 പേരുടെ പരുക്ക് ഗുരുതരമാണ്.