കോഴിക്കോട്:വെള്ളിയാഴ്ച വൈകുന്നേരം കരിപ്പൂർ വിമാനത്താവളത്തിലേക്ക് 191 യാത്രക്കാരുമായി വന്നിറങ്ങുമ്പോഴാണ് എയർ ഇന്ത്യ എക്സ്പ്രസ് വിമാനം റൺവേയിൽ നിന്ന് തെന്നിമാറി രണ്ടായി പിരിഞ്ഞത്.
അപകട സ്ഥലത്ത് നിന്നുള്ള പ്രാഥമിക ചിത്രങ്ങൾ വിമാനം രണ്ട് കഷണങ്ങളായി പിളര്ന്നതായി കാണിക്കുന്നു, റൺവേയിലുടനീളം അവശിഷ്ടങ്ങൾ ഉണ്ട്. രാത്രി 7.40 ഓടെ കനത്ത മഴയെത്തുടർന്ന് IX 1344 എന്ന വിമാനം വിമാനത്താവളത്തിൽ ഇറങ്ങാൻ ശ്രമിക്കുന്നതിനിടെയാണ് സംഭവം.
‘വിമാനം റൺവേയെ മറികടന്ന് ഒരു താഴ്വരയിൽ വീണു രണ്ട് കഷണങ്ങളായി പിരിഞ്ഞു. രക്ഷപ്പെട്ട ചിലരുണ്ട്,’ ഡിജിസിഎ (DGCA) വൃത്തങ്ങൾ പറഞ്ഞു. മംഗളൂരുവിലെ പോലെ ഒരു ടേബിൾ ടോപ്പ് വിമാനത്താവളമാണ് കോഴിക്കോട് വിമാനത്താവളം.
കോഴിക്കോട്, മലപ്പുറം ജില്ലകളിൽ നിന്ന് ആംബുലൻസുകൾ വിമാനത്താവളത്തിലെത്തി. അപകടമുണ്ടായ സ്ഥലത്ത് പുക പടരുന്നുണ്ട് എന്നും വിമാനം രണ്ട് ഭാഗങ്ങളായി പിളർന്നതായി കണ്ടു എന്നും ദൃക്സാക്ഷികൾ പറഞ്ഞു.
രക്ഷാപ്രവർത്തനത്തിനും വൈദ്യസഹായത്തിനും ആവശ്യമായ ക്രമീകരണങ്ങൾ ചെയ്യാൻ ഉദ്യോഗസ്ഥർക്ക് നിർദേശം നൽകിയിട്ടുണ്ടെന്ന് മുഖ്യമന്ത്രി പിണറായി വിജയൻ പറഞ്ഞു.
2010 മെയ് 22 ന് മംഗളൂരു അന്താരാഷ്ട്ര വിമാനത്താവളത്തിൽ എയർ ഇന്ത്യ എക്സ്പ്രസ് ഫ്ലൈറ്റ് IX 812 തകർന്നതിന്റെ ഓർമ്മകളാണ് ഈ സംഭവം തിരികെകൊണ്ട് വരുന്നത്. 2010 ൽ, പൈലറ്റുമാരുടെ ലാൻഡിംഗ് പിശകുകളെത്തുടർന്ന്, വിമാനം റൺവേയുടെ അവസാനത്തിൽ നിന്ന് മലഞ്ചെരിവിൽ നിന്ന് വീണു തീപടർന്ന് 166 പേരിൽ 158 പേർ മരിച്ചു.