സ്വര്‍ണ വിലയില്‍ വര്‍ധന

കൊച്ചി: കേരളത്തില്‍ സ്വര്‍ണ വിലയില്‍ നേരിയ വര്‍ദ്ധനവ്. ഇന്ന് പവന് 80 രൂപ വര്‍ദ്ധിച്ച് 37520 രൂപയ്ക്കാണ് വ്യാപാരം പുരോഗമിക്കുന്നത്. കഴിഞ്ഞ രണ്ട് ദിവസമായി കേരളത്തില്‍ സ്വര്‍ണം പവന് വില 37,440 രൂപയായിരുന്നു. 4,690 രൂപയാണ് ഇന്ന് ഒരു ഗ്രാമിന്റെ വില.

ഒക്ടോബറില്‍ പവന് 37,800 രൂപ വരെ സ്വര്‍ണവില ഉയര്‍ന്നിരുന്നു. ഒക്ടോബര്‍ 10, 11, 12, 13 തീയതികളിലായിരുന്നു ഇത്. എന്നാല്‍ പിന്നീട് വില കുത്തനെ കുറയുകയായിരുന്നു. ഒക്ടോബറിലെ ഏറ്റവും കുറഞ്ഞ സ്വര്‍ണ വില പവന് 37120 രൂപയാണ്. ഒക്ടോബര്‍ അഞ്ചിനാണ് ഈ വിലയ്ക്ക് വ്യാപാരം നടന്നത്.