ന്യൂഡല്ഹി: ഹോട്ടലുകളിലും റെസ്റ്റോറന്റുകളിലും ബാറുകളിലും സര്വീസ് ചാര്ജ് ഈടാക്കുന്നതിന് വിലക്കേര്പ്പെടുത്തി കേന്ദ്രസര്ക്കാര്. കേന്ദ്ര ഉപഭോക്തൃ സംരക്ഷണ അഥോറിറ്റിയാണ് ഇക്കാര്യം അറിയിച്ചത്. ഭക്ഷണത്തിനൊപ്പം ബില്ലില് ചേര്ത്ത് സര്വീസ് ചാര്ജ് ഈടാക്കാന് പാടില്ലെന്നും ഉത്തരവില് പറയുന്നു.
സര്വീസ് ചാര്ജ് സ്വന്തം ഇഷ്ടപ്രകാരം ചെയ്യേണ്ടതാണെന്ന് ഉപഭോക്താക്കളോട് ഹോട്ടല് ഉടമകള് അറിയിക്കണം. സര്വീസ് ചാര്ജ് ആവശ്യപ്പെടാനോ സ്വമേധയാ ചാര്ജ് വര്ധിപ്പിക്കാനോ പാടില്ലെന്നും കേന്ദ്രം വ്യക്തമാക്കി.
ഇനി ഏതെങ്കിലും സ്ഥാപനങ്ങള് സര്വീസ് ചാര്ജ് ഈടാക്കുന്നത് ശ്രദ്ധയില് പെട്ടാല് പൊതുജനങ്ങള്ക്ക് പരാതിപ്പെടാം. അതിനായി 1915 എന്ന നമ്പറില് കണ്സ്യൂമര് ഹെല്പ്പ് ലൈനുമായി ബന്ധപ്പെടാമെന്നും ഉപഭോക്തൃ സംരക്ഷണ അഥോറിറ്റി അറിയിച്ചു.
- Advertisement -
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News