![](https://breakingkerala.com/wp-content/uploads/2022/10/The-mourning-procession-started-the-crowd-flowed-and-Kodiyeri-was-greeted-by-the-nation.jpg)
കണ്ണൂര്: എയര് ആംബുലന്സില് കണ്ണൂരിലെത്തിച്ച കോടിയേരി ബാലകൃഷ്ണന്റെ മൃതദേഹം നേതാക്കള് ഏറ്റുവാങ്ങി. തലശ്ശേരിയിലേക്ക് മൃതദേഹവും വഹിച്ചുള്ള വിലാപയാത്ര ആരംഭിച്ചു. തുറന്ന വാഹനത്തില് പ്രവര്ത്തകരുടെ അകമ്പടിയോടെയാണ് വിലാപയാത്ര. പതിനാല് കേന്ദ്രങ്ങളില് ജനങ്ങള്ക്ക് ആദരം അര്പ്പിക്കാന് വിലാപയാത്ര നിര്ത്തും. കോടിയേരിയെ അവസാനമായി കാണാന് വന് ജനപ്രവാഹമാണ് റോഡിന് ഇരുവശവും നിറഞ്ഞിരിക്കുന്നത്.
മട്ടന്നൂര്, നെല്ലൂന്നി, ഉരുവച്ചാല്, നീര്വേലി, കൂത്തുപറമ്പ്, ആറാംമൈല്, വെറ്റുമ്മല്, കതിരൂര്, പൊന്ന്യം, ചുങ്കം എന്നിടവങ്ങളില് ജനങ്ങള്ക്ക് ആദരം അര്പ്പിക്കാം. സംസ്ക്കാരം പൂര്ണ്ണ ബഹുമതികളോടെ നാളെ വൈകിട്ട് മൂന്ന് മണിക്ക് പയ്യാമ്പലത്ത് നടക്കും. രാവിലെ 11.22 നാണ് ചെന്നൈ വിമാനത്താവളത്തില് നിന്ന് കോടിയേരിയുടെ മൃതദേഹവുമായി എയര് ആംബുലന്സ് പുറപ്പെട്ടത്. ഭാര്യ വിനോദിനിയും മകന് ബിനീഷും മരുമകള് റിനീറ്റയും എയര് ആംബുലന്സില് ഒപ്പമുണ്ടായിരുന്നു.