26.6 C
Kottayam
Thursday, March 28, 2024

കുടുംബ വഴക്കിനെ തുടര്‍ന്ന് മാതാവ് കിണറ്റില്‍ ചാടി, പിതാവ് വിഷം കഴിച്ചു; ഇതിനെല്ലാം മൂകസാക്ഷിയായി മകള്‍

Must read

നെടുമങ്ങാട്: കുടുംബ വഴക്കിനെ തുടര്‍ന്ന് മാതാവ് കിണറ്റില്‍ ചാടി, ഇതുകണ്ടു നിന്ന പിതാവ് വിഷം കഴിച്ചു. ഇതിനെല്ലാം സാക്ഷിയായി മകള്‍. ഇരുവര്‍ക്കും രക്ഷയായി എത്തിയത് അഗ്നിശമനസേന. പനയമുട്ടത്താണ് സംഭവം. കുടുംബവഴക്കിനിടെയാണ് അമ്മ കിണറ്റില്‍ ചാടിയതെന്നും ഇതു കണ്ട പിതാവ് വിഷം കഴിക്കുകയായിരുന്നുവെന്നും മകള്‍ അഗ്നിശമന സേന അധികൃതരോട് പറഞ്ഞു.

വഴക്ക് മൂര്‍ച്ഛിച്ചതിനിടെ ഭാര്യ വീട്ടുവളപ്പിലെ കിണറ്റില്‍ ചാടിയ ഉടനെ ഭര്‍ത്താവ് വീട്ടിലുണ്ടായിരുന്ന കീടനാശിനി കഴിക്കുകയായിരുന്നു. 70 അടി താഴ്ചയുള്ള കിണറ്റില്‍ ചാടിയ ഭാര്യയെ കരയ്ക്കെത്തിച്ച് ജില്ലാ ആശുപത്രിയിലേക്കും തുടര്‍ന്ന് മെഡിക്കല്‍ കോളജിലേക്കും മാറ്റി. വിഷം കഴിച്ച് വീട്ടുമുറ്റത്ത് അബോധാവസ്ഥയിലായ ഭര്‍ത്താവിനെ അഗ്നിശമന സേനയുടെ ആംബുലന്‍സില്‍ നെടുമങ്ങാട് ജില്ലാ ആശുപത്രിയിലും പ്രവേശിപ്പിച്ചു. നെടുമങ്ങാട് ഫയര്‍ഫോഴ്സ് അസിസ്റ്റന്റ് സ്റ്റേഷന്‍ ഓഫിസര്‍മാരായ രവീന്ദ്രന്‍നായര്‍, അജികുമാര്‍, ഫയര്‍മാന്‍ സി.എസ്.കുമാരലാല്‍ എന്നിവരുടെ നേത്യത്വത്തിലായിരുന്നു രക്ഷാപ്രവര്‍ത്തനം നടന്നത്.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

Popular this week