32.8 C
Kottayam
Sunday, April 21, 2024

എന്നെ തട്ടിക്കൊണ്ടുപോകാന്‍ ശ്രമം നടന്നു; വെളിപ്പെടുത്തലുമായി റിമി ടോമി

Must read

കുട്ടിക്കാലത്ത് തന്നെ തട്ടിക്കൊണ്ടുപോകാന്‍ ശ്രമം നടന്നെന്ന വെളിപ്പെടുത്തലുമായി ഗായിക റിമി ടോമി. ഒരു ചാനല്‍ പരിപാടിക്കിടെയാണ് കുട്ടിക്കാലത്തുണ്ടായ ദുരനുഭവം റിമി ടോമി തുറന്ന് പറഞ്ഞത്. ഒരു മത്സരാര്‍ത്ഥി കാക്കോത്തി കാവിലെ അപ്പൂപ്പന്‍ താടികള്‍ എന്ന സിനിമയിലെ ഗാനം പാടിയപ്പോഴാണ് സിനിമയിലെ കഥയ്ക്ക് തുല്യമായ ദുരനുഭവം തനിക്കുണ്ടായ കാര്യം താരം വെളിപ്പെടുത്തിയത്.

ഊട്ടിയില്‍ താമസിക്കുമ്പോഴാണ് തട്ടിക്കൊണ്ടു പോകല്‍ ശ്രമം നടന്നതെന്നും അച്ഛന്റെ സുഹൃത്ത് കണ്ടതു കൊണ്ടാണ് രക്ഷപെട്ടതെന്നും റിമി ടോമി പറഞ്ഞു. ‘പപ്പ മിലിട്ടറിയിലായിരുന്നു. അങ്ങനെ ഊട്ടിയില്‍ താമസിക്കുമ്പോഴായിരുന്നു ആ സംഭവം.
ഞാന്‍ മുറ്റത്ത് കളിച്ചു കൊണ്ടിരിക്കുകയായിരുന്നു. അപ്പോള്‍ ഭിക്ഷാടകനായ ഒരാള്‍ അവിടെ വന്നു. എന്നെ വിളിച്ചു. ഞാന്‍ പിന്നാലെ പോയി. എന്നിട്ട് ഒരു വെയിറ്റിങ് ഷെഡ്ഡില്‍ നില്‍ക്കുമ്പോള്‍ പപ്പയുടെ കൂട്ടുകാരന്‍ കണ്ടു. എന്നെ മനസ്സിലായതിനാല്‍ അദ്ദേഹം തിരികെ വീട്ടിലെത്തിച്ചു. അവരെന്നെ ചാക്കില്‍ കെട്ടികൊണ്ടുപോകാന്‍ ഒരുങ്ങുകയായിരുന്നുവെന്നാണ് റിമി ടോമിയുടെ വെളിപ്പെടുത്തല്‍.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

Popular this week