ഒരു അഡാര്‍ ലൗ എന്ന ഒറ്റ ചിത്രം കൊണ്ട് ലോകത്താകെ ആരാധകരെ സ്വന്തമാക്കിയ താരമാണ് പ്രിയ വാര്യര്‍. ഇപ്പോളിതാ താരത്തിന്റെ പുതിയ ഫോട്ടോഷൂട്ട് ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്. ഹോട്ട് ലുക്കിലുള്ള ചിത്രങ്ങള്‍ പ്രിയാ വാര്യര്‍ തന്നെയാണ് പോസ്റ്റ് ചെയ്തത്.
പ്രിയ വാര്യറെ നായികയാക്കി മലയാളിയായ പ്രശാന്ത് മാമ്പുള്ളി സംവിധാനം ചെയ്യുന്ന ബോളിവുഡ് ചിത്രം ‘ശ്രീദേവി ബംഗ്ലാവ്’ എന്ന ബോളിവുഡ് ചിത്രം ഉടന്‍ പുറത്തിറങ്ങും. ചിത്രത്തിന്റെ മൂന്നാം ട്രെയ്‌ലര്‍ മലയാളത്തിന്റെ സൂപ്പര്‍ സ്റ്റാര്‍ മോഹന്‍ലാല്‍ ആണ് കഴിഞ്ഞ ദിവസം റിലീസ് ചെയ്ത്.
ചിത്രത്തിലെ നായകനായ അര്‍ബാസ് ഖാന്റെ ഫൈറ്റ് രംഗങ്ങളും ഒരു ഐറ്റം ഡാന്‍സിന്റെ ഭാഗങ്ങളും ഉള്‍പ്പെടുന്നതാണ് മൂന്നാമത്തെ ട്രെയിലര്‍. പ്രിയ വാര്യരുടെ ആദ്യ ബോളിവുഡ് ചിത്രമാണ് ‘ശ്രീദേവി ബംഗ്ലാവ്’. ചിത്രത്തിന്റെ ആദ്യ രണ്ട് ട്രെയിലറുകളും ശ്രദ്ധേയമായിരുന്നു. അതീവ ഗ്ലാമറസായിട്ടാണ് പ്രിയ ചിത്രത്തില്‍ പ്രത്യക്ഷപ്പെട്ടിരിക്കുന്നത്. സിനിമയിലെ പ്രിയയുടെ ചിത്രങ്ങളും ഇതിനോടകം തന്നെ വൈറലായിരുന്നു. പ്രിയംഷു ചാറ്റര്‍ജി,അസീം അലി ഖാന്‍,മുകേഷ് ഋഷി, ലീ നിക്കോളാസ് ഹാരീസ് എന്നിവരാണ് മറ്റു പ്രമുഖ താരങ്ങള്‍.
സംവിധായകന്‍ പ്രശാന്ത് മാമ്പുള്ളി,നായിക പ്രിയ പ്രകാശ് വാര്യര്‍, ഛായാഗ്രാഹകന്‍ സിനു സിദ്ധാര്‍ഥ്,എഡിറ്റര്‍ ബാബു രത്‌നം,സംഗീതം ഫോര്‍ മ്യൂസിക്ക് എന്നിവരടക്കം മലയാളികളുടെ കയ്യൊപ്പ് ചാര്‍ത്തിയ സിനിമയാണ് ‘ശ്രീദേവി ബംഗ്ലാവ്’. ആറാത് എന്റര്‍ടൈയ്ന്‍മെന്റിന്റെ ബാനറില്‍ ചന്ദ്രശേഖര്‍ എസ് കെ,റോമന്‍ ഗില്‍ബര്‍ട്ട്,ജറോം ജോസഫ്,മനീഷ് നായര്‍,രാജന്‍ ഗുപ്ത എന്നിവര്‍ ചേര്‍ന്നു നിര്‍മ്മിക്കുന്ന സസ്‌പെന്‍സ് ത്രില്ലര്‍ ചിത്രത്തിന്റെ ഗാനരചന -ആരാഫത്ത് മെഹമൂദ്,കോറിയോഗ്രാഫര്‍-മുദാസര്‍ ഖാന്‍,കോസ്റ്റ്യും-കാമി,സ്റ്റില്‍സ്-സുരേഷ് മെര്‍ലിന്‍ എന്നിവരും ലണ്ടന്‍,ബാങ്കോക്ക്, മുംബൈ എന്നിവിടങ്ങളിലായിരുന്നു ചിത്രീകരണം.
