ബംഗലൂരു: കൊറോണ വൈറസ് ബാധിച്ചു കര്‍ണാടകയിലെ കല്‍ബുര്‍ഗിയില്‍ മരിച്ചയാളുടെ കുടുംബാംഗങ്ങളുടെ അഭിമുഖം എടുത്ത മാധ്യമപ്രവര്‍ത്തകര്‍ നിരീക്ഷണത്തില്‍. മൂന്ന് ചാനല്‍ റിപോര്‍ട്ടര്‍മാരും ക്യാമറമാനുമാണ് നിരീക്ഷണത്തിലുള്ളത്.
പതിനാല് ദിവസം വീട്ടില്‍ നിരീക്ഷണത്തില്‍ കഴിയാനാണ് ഇവര്‍ക്ക് നിര്‍ദ്ദേശം നല്‍കിയിരിക്കുന്നത്. മരിച്ചയാളുടെ മകന്റെ അഭിമുഖം ഇവര്‍ എടുത്തിരുന്നു. സംസ്‌കാര ചടങ്ങും ചിത്രീകരിച്ചു. മതിയായ സുരക്ഷാ മുന്‍കരുതല്‍ പാലിച്ചില്ലെന്ന് കണ്ടെത്തിയതിനെ തുടര്‍ന്നാണ് നിരീക്ഷണത്തിലിരിക്കാനുള്ള നിര്‍ദേശം നല്‍കിയിരിക്കുന്നത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
