തിരുവനന്തപുരം: ശബരിമല, സി.എ.എ സമരങ്ങളില് പങ്കെടുത്തവര്ക്കെതിരായ കേസുകള് പിന്വലിച്ചു. ഗുരുതരമായ ക്രിമിനല് സ്വഭാവമില്ലാത്ത കേസുകള് പിന്വലിച്ചുകൊണ്ടുള്ള സര്ക്കാര് ഉത്തരവ് ഇറങ്ങി.
ശബരിമല സ്ത്രീ പ്രവേശന വിഷയവുമായി ബന്ധപ്പെട്ടുള്ള സുപ്രിംകോടതി വിധിയെ തുടര്ന്നും പൗരത്വ ഭേദഗതി നിയമവുമായി ബന്ധപ്പെട്ടും സംസ്ഥാനത്ത് നടന്ന വിവിധ സംഭവങ്ങളില് ഗുരുതരമായ ക്രിമിനല് സ്വഭാവം ഇല്ലാത്ത കേസുകള് പിന്വലിക്കുന്നതിനുള്ള തുടര്നടപടികള് സ്വീകരിക്കുന്നതിന് അനുമതി നല്കിക്കൊണ്ടാണ് സര്ക്കാര് ഉത്തരവ്.
ഈ രണ്ട് വിഷയങ്ങളുമായി ബന്ധപ്പെട്ട് രജിസ്റ്റര് ചെയ്ത കേസുകളുടെ നിലവിലെ സ്ഥിതി, സ്വഭാവം എന്നിവ പരിശോധിച്ച് ആവശ്യമായ തുടര് നടപടികള് സ്വീകരിക്കാന് സംസ്ഥാന പോലീസ് മേധാവി, ജില്ലാ പോലീസ് മേധാവിമാര്, ജില്ലാ കളക്ടര്മാര് എന്നിവരോട് ഉത്തരവില് പറയുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News