തിരുവനന്തപുരം: ഡി.വൈ.എഫ്.ഐ അഖിലേന്ത്യ കമ്മിറ്റിയില്‍ കേരളത്തില്‍ നിന്നു അഞ്ചുപേരെ കൂടി ഉള്‍പ്പെടുത്തി. കെയു ജനീഷ് കുമാര്‍, വികെ സനോജ്, ഗ്രീഷ്മ അജയഘോഷ്, ചിന്ത ജെറോം, എം വിജിന്‍ എന്നിവരാണ് പുതുമുഖങ്ങള്‍. നിലവില്‍ കമ്മിറ്റിയിലുള്ള എഎ റഹിം, എസ് സതീഷ്, എസ്‌കെ സജീഷ് എന്നിവര്‍ക്ക് പുറമെയാണ് പുതിയ അംഗങ്ങളെ കൂടി ഉള്‍പ്പെടുത്തിയത്. ഡിവൈഎഫ്ഐ അഖിലേന്ത്യ പ്രസിഡന്റ് പിഎ മുഹമ്മദ് റിയാസിന്റെ അദ്ധ്യക്ഷതയില്‍ ചേര്‍ന്ന യോഗത്തിലാണ് ഇത് സംബന്ധിച്ച് തീരുമാനമെടുത്തത്.
ഇതോടുകൂടി ഡിവൈഎഫ്ഐയുടെ കേന്ദ്രകമ്മിറ്റിയില്‍ കേരളത്തിന്റെ സാന്നിധ്യം നിര്‍ണായകമായി തീര്‍ന്നിരിക്കുകയാണ്. യുവനേതാക്കളായ എഎന്‍ ഷംസീര്‍, എം സ്വരാജ് എന്നിവര്‍ യഥാക്രമം വൈസ് പ്രസിഡന്റ്, ജോയിന്റ് സെക്രട്ടറി സ്ഥാനങ്ങളിലുണ്ട്. വരുന്ന നിയമസഭാ തിരഞ്ഞെടുപ്പില്‍ മത്സരിച്ചേക്കാവുന്ന യുവനേതാക്കളുടെ കൂട്ടത്തില്‍ എഎ റഹിനും ചിന്തയ്ക്കും സാധ്യതയേറെയാണ്. യുവജന കമ്മിഷന്‍ അദ്ധ്യക്ഷയാണ് നിലവില്‍ ചിന്ത ജെറോം.
