തിരുവനന്തപുരം:സംസ്ഥാനത്ത് ഇന്ന് 42 പേര്ക്ക് കൂടി കോവിഡ് 19 സ്ഥിരീകരിച്ചതായി മുഖ്യമന്ത്രി പിണറായി വിജയന് വാര്ത്താസമ്മേത്തില് അറിയിച്ചു. ഇതുവരെ കൂടുതല് കേസുകള് റിപ്പോര്ട്ട് ചെയ്യുന്ന ദിവസമാണിതെന്ന് മുഖ്യമന്ത്രി വ്യക്തമാക്കി.കണ്ണൂര് 12, കാസര്കോട് 7, പാലക്കാട് 5, കോഴിക്കോട് 5, തൃശൂര് 4, മലപ്പുറം 4, കോട്ടയം 2, കൊല്ലം 1, പത്തനംതിട്ട 1, വയനാട് 1 എന്നിങ്ങനെയാണ് ജില്ല തിരിച്ചുള്ള കണക്ക്.
രോഗം സ്ഥിരീകരിച്ചവരില് 21 പേര് മഹാരാഷ്ട്രയില് നിന്നെത്തിയവരാണ്. ആന്ധ്രാപ്രദേശില് നിന്നും തമിഴ്നാട്ടില് നിന്നും വന്ന ഓരോരുത്തര്ക്കും രോഗം സ്ഥിരീകരിച്ചു. 17 പേര് വിദേശത്ത് നിന്ന് എത്തിയവരാണ്. കണ്ണൂരില് ഒരാള്ക്ക് സമ്പര്ക്കം മൂലമാണ് രോഗം പിടിപ്പെട്ടത്. കോഴിക്കോട് രോഗം ബാധിച്ചത് ഹെല്ത്ത് വര്ക്കര്ക്കാണ്.
രണ്ടുപേര് ഇന്ന് രോഗമുക്തരായി. സംസ്ഥാനത്ത് ഇതുവരെ രോഗം ബാധിച്ചവരുടെ എണ്ണം 732 ആയി. 216 പേര് നിലവില് ചികില്സയിലുണ്ട്. 84258 പേര് നിരീക്ഷണത്തിലുണ്ട്. 83649 പേര് വീടുകളിലും ഇന്സ്റ്റിറ്റിയൂഷണല് ക്വാറന്റീനിലും നിരീക്ഷണത്തിലാണ്. 609 പേര് ആശുപത്രികളില് നീരീക്ഷണത്തിലുണ്ട്. ഇന്ന് 162 പേരെ ആശുപത്രിയില് പ്രവേശിപ്പിച്ചു. ഇതുവരെ 51310 സാംപിള് പരിശോധനയ്ക്ക് അയച്ചു.