കൗമാരക്കാരനായ സ്വന്തം മകന്‍ 20കാരിയെ ബലാത്സംഗം ചെയ്യുന്നത് വീഡിയോയില്‍ പകര്‍ത്തി അമ്മ! ദൃശ്യങ്ങള്‍ കാട്ടി യുവതിയില്‍ നിന്ന് തട്ടിയത് ലക്ഷങ്ങള്‍; ഒടുവില്‍ അമ്മയും മകനും പിടിയില്‍
ഛത്തീസ്ഗഢ്: ഇരുപതുകാരിയെ വീട്ടില്‍ കൂട്ടിക്കൊണ്ട് വന്ന് ജ്യൂസില്‍ മയക്കുമരുന്ന് കലര്‍ത്തി നല്‍കി ലൈംഗിക പീഡനത്തിനിരയാക്കിയ ശേഷം ദൃശ്യങ്ങള്‍ പകര്‍ത്തി വീഡിയോ പുറത്തു വിടുമെന്ന് പറഞ്ഞ് ലക്ഷങ്ങള്‍ തട്ടിയ 19കാരനും അമ്മയും അറസ്റ്റില്‍. യുവാവിന്റെ പ്രായപൂര്‍ത്തിയാകാത്ത സഹോദരിയെ പോലീസ് കസ്റ്റഡിയിലുമെടുത്തു. 19കാരന്‍ യുവതിയെ പീഡിപ്പിക്കുന്നതിന്റെ ദൃശ്യങ്ങള്‍ യുവാവിന്റെ അമ്മയാണ് കാമറയില്‍ പകര്‍ത്തിയത്. തുടര്‍ന്ന് രണ്ട് വര്‍ഷത്തോളമായി യുവതിയില്‍ നിന്നും എട്ട് ലക്ഷത്തിലധികം രൂപ ഇവര്‍ തട്ടിയെടുത്തു. മാത്രമല്ല ദൃശ്യങ്ങള്‍ പുറത്ത് വിടുമെന്ന് ഭീഷണിപ്പെടുത്തി വീണ്ടും പീഡിപ്പിക്കുകയും ചെയ്തു.
സെപ്റ്റംബര്‍ 12ന് പരാതി ലഭിച്ച പോലീസ് 15-ാം തീയതി യുവാവിനെയും അമ്മയെയും അറസ്റ്റ് ചെയ്യുകയായിരിന്നു. പ്രതിയുടെ ഭാര്യാ സഹോദരനും യുവതിയില്‍ നിന്നും പണം തട്ടിയിട്ടുണ്ടെന്നും ഇയാള്‍ ഒളിവിലാണെന്നും തിരച്ചില്‍ തുടരുകയാണെന്നും പോലീസ് പറയുന്നു. 2017ലാണ് യുവതി പീഡനത്തിനിരയായത്. പ്രതി യുവതിയുമായി സൗഹൃദം സ്ഥാപിച്ച ശേഷം വീട്ടിലേക്ക് കൂട്ടിക്കൊണ്ട് വരികയായിരുന്നു. തുടര്‍ന്ന് പ്രതിയുടെ അമ്മ യുവതിക്ക് തണുത്ത ജ്യൂസ് നല്‍കി.
ജ്യൂസ് കുടിച്ചതോടെ യുവതി മയങ്ങി പോവുകയായിരുന്നു. ഈ സമയം യുവാവ് തന്നെ ലൈംഗികമായി പീഡിപ്പിച്ചുവെന്നും ഈ ദൃശ്യങ്ങള്‍ യുവാവിന്റെ അമ്മ കാമറയില്‍ പകര്‍ത്തിയെന്നുമാണ് യുവതി പരാതിയില്‍ പറഞ്ഞിരിക്കുന്നത്. ഈ വീഡിയോ കാട്ടിയാണ് പണം തട്ടിയത്. മാത്രമല്ല വീഡിയോ പുറത്തുവിടുമെന്ന് ഭയപ്പെടുത്തി പലപ്പോഴും പ്രതി യുവതിയെ ബലാത്സംഗം ചെയ്യുകയും ചെയ്തു.
