മൂവാറ്റുപുഴ: വീടിനുള്ളില്‍ യുവതിയെ തീ പൊള്ളലേറ്റു മരിച്ച നിലയില്‍ കണ്ടെത്തി. വാഴപ്പിള്ളി പാറക്കുളത്തിന് സമീപം താമസിക്കുന്ന കുടിയിരിക്കതോട്ടത്തില്‍ കലേഷിന്റെ ഭാര്യ ഷൈല (45)ആണ് മരിച്ചത്.
ഇന്ന് രാവിലെ എട്ടോടെ വീടിനുള്ളില്‍ നിന്ന് തീ പടരുന്നത് ശ്രദ്ധയില്‍പെട്ട നാട്ടുകാര്‍ ഫയര്‍ഫോഴ്‌സില്‍ വിവരമറിയിക്കുകയായിരുന്നു. തുടര്‍ന്ന് ഫയര്‍ഫോഴ്‌സ് എത്തിയപ്പോള്‍ വീട്ടിലെ ശുചിമുറിയില്‍ ശരീരത്തില്‍ തീ ആളിപ്പടര്‍ന്ന അവസ്ഥയിലാണ് യുവതിയെ കണ്ടത്.
ഉടന്‍ തീ അണച്ചെങ്കിലും യുവതി പൂര്‍ണമായും കത്തികരിഞ്ഞിരുന്നു. സംഭവസമയം വീട്ടില്‍ മറ്റാരും ഉണ്ടായിരുന്നില്ല. മൂവാറ്റുപുഴ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു വരുന്നു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
